فيش و تشييش

و اخيرا عدت... انا و الثورة

2011-10-06T01:25:00.000+02:00

لم اتخيل عندما فتحت المدونه انه قد مر كل هذا الوقت منذ اخر مرة كتبت فيها ...

عموما مادمت قد عدت للكتابة فلم اخسر الكثير فانا على هذا الحال دائما اتوقف و اعود حسب الظروف و الحالة النفسية.

انا و الثورة

عنوان تكلم فيه كل مصري و تونسي و ليبي و يمني و سوري و حتى اسرائيلي و البقية تأتي بأمر الله ..

الثورة كانت الحلم المستحيل و لكن لأنه لا وجود للمستحيل الا في اذهان اليائسين فقد تحققت الثورة ،، كنت دائما احلم بها .. افكر فيها .. اقول : كنا صغارا يقولون لنا انه يروى في احد الازمان انه كان هناك حاكم ظالم حوله حاشية طاغية زادت في عصره الاسعار و انتشر الظلم و الفساد و زادت الضرائب ، فضج الناس و ثاروا عليه و خلعوه و وضعوا مكانه حاكم عادل و حاشية صالحة فعم الرخاء و تحسنت الاحوال .. اسأل نفسي : ما الذي لم يتحقق من هذا كله ؟ فلا اجد شيئا .. فاين الثورة ؟؟

كنت اسمع هتافا في مظاهرات الاخوان في الفترة الاخيرة يقولون : " ابني سور السجن وعلي .. بكرة الثورة تقوم ما تخلي " .. كان يهزني هذا الهتاف كثيرا .. كنت على يقين من ان الثورة اتية و لكن متى ؟؟ لم اتوقع بهذه السرعة و التسارع في الاحداث... عشنا جميعا بهجة الثورة و جمال الحلم و تفاؤله الغير مسبوق حتى ان الناس قد نزلت للشوارع تغسلها و تنظفها و تدهن ارصفتها و اسوارها .. تزرع اشجارا جديده ..كانهم يغسلون الماضي المؤلم بكل قبحة و يزرعون المستقبل المشرق الذي طالما حلموا به ...

_و الان الثورة ينطبق عليها قول الشاعر فاروق جويدة " وجه جميل .. طاف في عيني قليلا و استدار .. و مضيت اجري خلفه .. فوجدت وجهي في الجدار".

انت تصحو يوميا على اعتصامات و مظاهرات فئوية لإناس ظلوا مظلومين عقودا و يريدون العدل الآن و حالا .. و إناس يغتنمون الفرصة لتحقيق اي مكاسب و علاوات قد لا يستطيعون الوصول اليها بعد ذلك . و مريدوا السكن و مريدوا الوظائف و مريدوا المراكز و مريدوا الانتقام من رؤساء في اعمالهم كانوا يظلمونهم او لم يكونوا .. و مريدوا الفوضى الغير خلاقة من البنائين بدون ترخيص و على الاراضي الزراعية و على املاك الغير و سائقى الميكروباص و التكاتك و التاكسي و بعض الملاكي الذين قلبوا شوارعنا الى سيرك كبير ... و البلطجة بكافة انواعها المسموعة و المرئية و المكتوبة و الضاربة و السارقة و القاتلة ايضا .. انتشار الاسلحة على نحو مخيف بل مرعب بين كل طبقا الشعب ...

الضعف الامني الغير مسبوق و الناتج عن ارث عقود طويلة من القهر و الذل و الظلم و التكبر و التعالي من اصحاب المعالي و البكوات و البشوات .

ظاهرة التحرش السياسي و التي قضت تماما على التحرش الجنسي الذي سيطر ايام المخلوع و حديقة حيواناته..

حكومة تسيير الاعمال و التي تستحق الشفقة على الظروف السوداء و قلة الحيلة و عدم استقلالية القرار..

انصاف المثقفين الطالين علينا ليلا و نهارا من القنوات الفضائية و برامج الفشر شو بنظريات و آراء مدفوعة الاجر .. كل ٌ حسب سيده و جهة تمويله..

محاكمات مليئة بالمهاترات و المواقف الغريبة و المرائين و طلاب الشهرة تشعرك اننا اصحاب اكثر الثورات رحمة بطواغيها ..

حتى الآن لم يتحقق للثورة غير خلع المخلوع و بعض الحيوانات الجائسة حوله..

انا شخصيا تعبت و ارهقت جدا من الفوضى و مسرح العرائس الذي بتنا فيه..

اتمنى ان يتحقق للثورة الاحلام التى حلم بها الثوار لهذا البلد و اتمنى من كل قلبي الا يتحقق اي من احلام اصحاب البراشوتات و شلل المنتفعين و احزاب بسبسبوبي و طلاب السلطة و مريدي الفوضي و الانحلال..

و للكلام غالبا بقية ما دام في العمر بقية

2009-09-02T15:03:00.002+02:00

تحية خاصة من القلب للدكتور / عمرو خالد على برنامجه الناجح جدا قصص القرآن الجزء الثاني الذي لا يعيبه سوى كثرة المادة الاعلانية التي تتخلل البرنامج و تحيه اخرى على حملته المسماه :"سنحيا بالقرآن" و تمنياتي لها بالنجاح و تقبل الله منا و منكم يا دكتور عمرو..

إحنا اللي خطفنا القراصنه يا معلم

2009-08-20T16:39:00.004+03:00

عملوها الوحوش ... عملوها الشجعان ... يا ريتني كنت معاهم.
الكلمه المشهورة بتاعة فيلم "الطريق الى ايلات" هي اول حاجة جت على بالي اول لما قريت الخبر الجميل جدا الخاص بتحرير السفينتين المصريتين المختطفتين في الصومال من قبل القراصنه اللي هناك .
انا اتكلمت عنهم قبل كده و كنت مهتم جدا بمشكلتهم و متابعها لحد لما عرفت انهم و بالتنسيق مع "حسن خليل "صاحب المركب اللي سافر هناك و بميليشيات صوماليه قدروا يتغبوا على القراصنه الصوماليين و يأسروا منهم 8 قراصنه و يرجعوا بيهم كمان في سابقه تاريخيه لم تحدث من قبل .
المهم في الموضوع شجاعة الصيادين المصريين اللي شاركوا في المعركة بمنتهى الشجاعة على الرغم من الحاله النفسيه و الصحيه المترديه لهم خصوصا بعد الخطف المده الطويله دي.
سمعنا و قرينا بعد كده ان المخابرات العامة المصريه كانت بتتابع الموضوع و هي المخطط الرئيسي لعمليه الهروب و ساعدت فيه و امنت رجوع صاحب المركب من بونت لاند لليمن ثم الى مصر و ده شئ يفرحنا و لا يقلل من بطوله الصيادين المصريين اللي خلونا و بكل فخر بعد ما كنا بنقول " احنا اللي دهنا الهوا دوكو" نقدر نقول و بكل الفخر "احنا اللي خطفنا القراصنه" و تحيا مصر يا معلم

خبراء وزارة العدل-عمال شركة كتان طنطا-غضب الاقباط-قطار طائش-التيفود-واخيرا الانفلونزا

2009-08-03T14:55:00.003+03:00

مشكلتين لم يتم حلهما بعد. اعتصام خبراء العدل الذي صلوا فيه الجمعة الرابعة على سلالم وزارة العدل و الغريب انهم على سلالم وزارة "العدل" التابعين لها.
مناورات و مفاوضات لإلقاء الفتات لهم في مقابل فض الاعتصام الذي ادى لتعطيل مصالح الناس و تشويه صورة وزارة العدل ووزير العدل الذين لا يحتاجون لمزيد من التشويه.ما يذكرنا بصورة فورية باعتصام موظفي وزارة الماليه من التابعين لمصلحة الضرائب العقارية. و لكن الى متى الاعتصام؟؟؟؟ و متى يتم اخذ خطوات جادة تكفل لكل موظف او فئة توصيل صوتها للسلطات المعنيه و بحث هذه المطالب بجديه و المفاوضة فيها و تنفيذ ما يمكن منها دون اعتصام و دون تعطيل لمصالح الناس .
المشكله في الاعتصامات فكرة الغالب و المغلوب ... كل طرف لا يريد ان يبدأ بالاستسلام و السبب ان المستسلم من الواجب عليه الرضوخ لمطالب الآخر.
و المشكله الاكبر ان السلطات عندنا تعودت الا تستمع الا للصوت العالى .. في رأيي هي ثقافة عامه في الوطن المصري من الواجب علينا محاولة تغييرها .. على الاقل المحاولة.
عمال شركة كتان طنطا .. ضحايا التخبط في السياسات الاقتصاديه المسماه بالخصخصة .. سيناريو مكرر من الاضراب و الاعتصام لم يأتي بالنتائج المرجوة منه مما ادى مؤخرا لتهديدهم بقطع الطريق الزراعي : القاهرة - الأسكندريه .. و المبدأ : اصنع ازمة تبقالك لازمة .
ازمة الصيادين المصريين المحتجزين من قبل القراصنه في الصومال ما زالت كما هي. و زاد عليها انقطاع اخبار صاحب السفينه الذي سافر للصومال على امل ان يستطيع المفاوضة و تخفيض الفدية و الافراج عن الصيادين و لكن النتيجة هي انضمامه لقائمة المختطفين و بدون فائده تذكر.. السفير المصري بالصومال يطالب بالصبر لان مثل هذه الحالات تحتاج وقت طويل في المفاوضات. نعتقد يا سياده السفير ان المشكله في المتفاوض و ليس المفاوضات.
البابا شنودة ... قرأت في جريدة المصري اليوم تصريحات على لسان البابا شنودة فيها هجوم على ما يسمى باضطهاد الاقباط في مصر بصورة لم نعتادها من قبل لدرجة انه عندما سئل من قبل المحرر هل من الممكن ان يكون رئيس جمهورية مصر قبطي رد عليه قائلا: اذا كان القبطي لا يستطيع ان يكون عضوا في مجلس نقابه المحامين فكيف يمكن ان يكون رئيس جمهوريه.. كما رد على سؤال بخصوص علاقة المسلمين و الاقباط في مصر بقوله: شيخ الازهر رجل طيب و متسامح و علاقتي به طيبه و اقابله كثيرا و لكن هذا لا يعني ان العلاقة بين المسلمين و الاقباط طيبه فعند الانتخابات يختار المسلم المسلم و لن يختار القبطي و اذا استمر الاحتقان غي العلاقات فالانفجار آت ..
تعجبت جدا من تصريحات البابا التى لم نعتد عليها منه و لكن زالت دهشتي بعد ما قرأت في الوفد بعدها بيوم مقال لعضو مجلس الشعب منير فخري عبد النور يتكلم فيع عن اضطهاد الاقباط في مصر و منعهم من ممارسه حقوقهم السياسيه و انتفاده المباشر لفتحي سرور رئيس مجلس الشعب لانه قال ان الاقباط في مصر يفضلون البيزنس على السياسه .. ثم مقال لنجيب ساويرس يكرر نفس الكلام... ثم محامي في نقابه المحامين يقدم طلب لانشاء لجنه دينيه مسيحية على غرار اللجنة الدينيه المسلمه و حوار صفحة كامله في جريده الوفد لنفس المحامي يشتكي من الاضطهاد الديني للاقباط في مصر و يشتم في الاخوان و اللي جابوهم و يطالب بحذف حقبة الرئيس السادات من التاريخ المصري لأنه كان يسمي نفسه الرئيس المؤمن و كان يقول انا رئيس مسلم لدولة مسلمة وانه بهذا كان يهمش الاقباط تماما
تخيلوا محامي يقول هذا الكلام على الملأ و في جريدة معارضه على الرئيس البطل السادات و لا تتم محاسبته..
المهم فهمت ان الموضوع منظم و حمله مرتبه لها اهداف و مطالب ..
الجميل ان البابا شنوده استهل كلامه بمبايعة صريحة لجمال مبارك لتولى حكم مصر لأنه الاصلح و لا يوجد افضل منه على الساحة.
اقول للبابا شنوده: تعودنا عليك أكبر من ذلك تعودنا عليك رجل الكنيسة الناشر للسلام و البركة للشعب المسيحي و الداعي للوحدة الوطنيه و نبذ الخلافات و نبذ اثارة القلاقل داخل النسيج المصري و تعودنا منك على صد حملات اقباط المهجر لاثارة الفتنه في داخل مصر البلد الذي لا يعيشون فيه و لا يلزمهم منه ولا منكم سوى تنفيذ اجندات مخابراتيه معاديه مفهومه للجميع.. اما هذا الحوار فهو دعوة صريحة للشعب المسيحي للثورة و الاحتجاج و ربما يحدث بعدهما ما يعلمه الله مما لا تحمد عقباه و ربما نندم عليه جميعا حين لا ينفعنا ندم .

خبر احسبه من المضحكات المبكيات في بلدنا الحبيب مصر : قطار يخرج من ورش:" الصيانه" لتحميل الركاب فيفاجأ السائق بعطل في الفرامل فيصطدم القطار بالمصدات الخاصه به في محطه مصر بمدينه الاسكندريه بسرعه 70 ك\س فيقفز فوقها ليقطع ذراع بائع متجول و يصدم عربه مطافئ او اسعاف صغيره ثم يستقر بعد ستر الله في الاعمده الحديديه التي يقوم عليها سقف المحطه مخلفا خسائر تقدر ب 15 مليون جنيه... لا تعليق
انشار التيفود في القليوبيه .. من المسؤل .. شركر المقاولات ام مقاول الباطن ام الطرمبات الحبشية ام محطات تنقية المياه ام وزارة الصحة ام الوعي المتدني ام الفساد بشكل عام.. اذا عرفت الاجابه لا تتصل بي لاني اعرفها.
انفلونزا الطيور و الخنازير: كلام كتير و ضحايا و اخطاء ...كفايه كده النهارده و نكمل بعدين .. و برضه تحيا مصر

أزمة اعتصام خبراء وزارة العدل في مصر

2009-07-26T00:56:00.002+03:00

لا اعلم الى متى يتكرر نفس السيناريو الممل في كل الاعتصامات داخل مصر ؟
اعتصام خبراء وزارة العدل دخل اسبوعه الثالث بدون أي تدخل بالمفاوضة أو الحل من جانب وزير العدل سوى تصريحات اعلاميه غاية في الغرابه ان مرتب خبير وزارة العدل يتراوح بين 14:7 الف جنيه ... طبعا كلام في منتهى الغرابه و غير قابل للتصديق.. ببساطه اللي مرتبه في المتوسط 10000 جنيه مصري هيبهدل نفسه في اعتصام لمدة 3 اسابيع ليه.
كالعادة و كالمتوقع و كالمنتظر طلب الرئيس مبارك تقرير مفصل عن الموضوع بعد سؤال صحفي من مراسل bbc أثناء مؤتمر صحفي مع بيرلسكوني .. تلا ذلك تعليمات الى وزير العدل بسرعة حل الموضوع.. نتمنى ذلك.
موضوع آخر نتمنى ان يتدخل الرئيس مبارك لحله :
ازمة الصيادين المحتجزين في الصومال من قبل القراصنه هناك.. بعد المفاوضات وصلت الفدية المطلوبه الى 800000 دولار او جنيه مش عارف بس المهم ان اهالى الصيادين ما يحتكموش على 800000 شلن و الخارجيه المصريه مش عارفه تلاقيها من حبس الاطباء في السعودية و لا ليبيا اللي كل شويه تعمل رسوم جديدة على المصريين و تلغيها تاني و بعدين حفلات السفارات بمناسبة الثورة في كل البلاد مكلفه برضه ربنا يكون في عون الكل.
سمعت ان صاحب السفينه لما يأس من الحل الحكومي سافر على الصومال يحاول يتفاوض مع القراصنه و يقولهم ان الناس دول غلابه و محدش هايسأل عنهم ولا يدفعلهم حاجة علشان يرجعوا. و ربنا يديم المعروف و كده يعني .. بقين حلوين لعل و عسى.
ربنا يسهل و يرجعوا بالسلامه .. و يجعله عامر

النازية تعاود الظهور في ألمانيا

2009-07-05T01:16:00.001+03:00

هل كان قتلها في قاعة محكمة ألمانية حادثة فردية منعزلة؟

مروة الشربيني.. ضحية أجواء العداء في ألمانيا *

الضحية المصرية مروة الشربيني

اثنتان وثلاثون ثانية مضت ما بين إقدام القاضي على قرع جرس الخطر وبين إسراع رجال الشرطة للإمساك بالقاتل، ولكن كانت كافية لينفذ جريمته، فقد أجهز خلالها بثمانية عشر طعنة بالسكين على حياة مروة الشربيني البالغة 32 عاما من العمر، فقتلها وهي حامل بالشهر الثالث، وأصاب ابنها مصطفى (دون الرابعة من العمر) بجروح، كما أصاب زوجها بجراح خطيرة، إضافة إلى إصابته في ساقه نتيجة رصاصة طائشة من جانب رجال الشرطة.

مصطفى.. من ملعب أطفال إلى فقد أمه

الآن فقط أدرك المحققون كما نقلت الصحافة الألمانية عنهم أن الجاني -ويُدعى آلكس- كان "قنبلة موقوتة" على حد تعبير أحدهم، وأن المحاكمة لم تكن مجرد خلاف قضائي بسيط، ودعوى معتادة نسبيا للتعويض بغرامة مالية على إهانات سابقة.

كانت البداية في خريف 2008، في ملعب للأطفال، بمدينة درسدن شرق ألمانيا، وكان الرجل يسلّي طفلة من أقاربه بأرجوحة للأطفال، ورأت مروة أن الطفلة الصغيرة في مثل عمر ابنها مصطفى، فسألت الرجل أن يجلسا معا في الأرجوحة بعد أن طال مقام الطفلة فيها، وربما كانت مروة تفكر أن تلك صورة من صور التواصل والاندماج الذي لا يغيب الحديث عنه بشأن المسلمين في ألمانيا. وبدلا من أن تتلقى جوابا بالقبول أو الاعتذار، بدأ الرجل يكيل لها الشتائم، وصدر بحقه لهذا السبب حكم سابق بغرامة مالية بقيمة 780 يورو بسبب الإهانات، وانتقلت القضية إلى محكمة الاستئناف بناء على طلب الجاني، فقد بقي خلال المحكمة الأولى والثانية غير قادر على استيعاب أن عليه دفع غرامة ما.. إنما كان هادئا كما يؤكد المسئولون في المحكمة، لا ينذر وضعه العام بأنه سيرتكب جريمة ما، وربما كان في هذا الوصف نوع من التبرئة الذاتية أنه دخل المحكمة والسكين في طيات ثيابه، بينما تجدد الجدل في هذه الأثناء حول القوانين المتعلقة بتأمين المحاكم، فالسكين التي أدخلها الجاني معه تشير إلى أن القانون لا يفرض إجراءات تفتيش ما في محاكمات شبه اعتيادية، لا ينتظر أن يحدث فيها ما حدث من جريمة دموية في هذه المحكمة.

وتميز قوانين العقوبات في ألمانيا بين (1) القتل عن سابق عمد وإصرار، وهنا لا بد من تقديم البرهان على أن الجريمة مخطط لها، ومن ذلك إثبات أن الجاني أدخل أداة الجريمة إلى قاعة المحكمة بغرض القتل، وبين (2) القتل كردة فعل في لحظة غضب، رغم أنه ارتكب جريمته بعد أن أدلت مروة بأقوالها، ولم يصدر حكم الاستئناف بعد، هذا فضلا عن قابلية اعتبار الجريمة (3) من قبيل اعتداء أفضى إلى القتل دون قصد، ومن وسائل تخفيف العقوبة أيضا (4) شهادة طبية تثبت أن الجاني مصاب بحالة نفسانية مرضية ساعة ارتكابه جريمته.

سيان ما ستكون الحصيلة، وما الحكم الذي سيصدر على الجاني، فلن يعيد ذلك الحياة لمروة، ولن يزيل الألم والأسى من قلوب ذويها ومن عرفها.

الجريمة.. وأجواء العداء للإسلام

ولئن كانت الجريمة حادثة قائمة بذاتها من الناحية القانونية، فلا يمكن اعتبارها منفصلة عن الخلفية الاجتماعية والثقافية والإعلامية والسياسية المرتبطة بها بشأن وجود الإسلام والمسلمين في ألمانيا، وفي الغرب عموما، وعن آثار "حقبة الإرهاب الفكري والاجتماعي وحتى التشريعي" في نطاق ما سمي "الحرب ضد الإرهاب" وشمل الحروب الدموية الاستباقية المدمرة، والحملات السياسية والإعلامية المتواصلة، كما شمل ما يمكن وصفه بالإجراءات الاستباقية على صعيد تشريع القوانين الاستثنائية -كما توصف- وجميعها يدور حول محور متابعة المسلمين ومحاصرة مظاهر التزامهم بالإسلام، وأخذ كثير منهم بالشبهة.. وجميع ذلك باسم مكافحة الإرهاب، حتى أصبحت مكافحته بحد ذاتها ممارسات إرهابية.

مروة من جهة وآلكس من جهة أخرى صورتان متقابلتان معبرتان عن حصيلة تلك الحقبة؛ فلم تكن الشابة المصرية مع أسرتها، قريبة من تلك الصور النمطية المعمّمة عن المسلمين والمسلمات لتسويغ ما يتخذ من إجراءات أو ينطلق من حملات ضدهم، بل كانت واحدة من الملايين من أمثالها، من الأكثرية الكبرى للمسلمين في الغرب، الذين أصبحوا جزءا ثابتا من المجتمعات الغربية.

ولئن كان يسري على مروة أنها من الوافدين بإقامة مؤقتة مرافقة لزوجها المقيم إقامة مؤقتة أيضا بغرض التخصص الدراسي، فإن النسبة الأعظم من المسلمين في الغرب هم في هذه الأثناء من معتنقي الإسلام من أهل البلاد الأصليين، ومن المواليد المسلمين في الغرب ممن عرفوا الغرب موطنا ولم يعرفوا مواطن آبائهم أو أجدادهم الاصلية، فضلا عن فريق من المسلمين مضى على وجوده في الغرب عشرات السنين، ولا يبقى من الوافدين بسبب دراسة أو عمل أو حتى لجوء وهجرة، سوى نسبة محدودة.

وقد كانت مروة وزوجها تعيشان مع طفلهما في درسدن اعتمادا على منحة دراسية، إذ كان يحضر لرسالة الدكتوراة في علم الأحياء الجزيئيي للخلايا في معهد ماكس بلانك المرموق عالميا، وكانت مروة تعمل في إحدى الصيدليات.

أما الصورة المقابلة للمتطرفين فيمثلها القاتل آلكسي وإن لم يعرف عنه انتماء إلى منظمة متطرفة، وهو شبه أجنبي في ألمانيا واقعيا، فقد ولد في روسيا في عائلة من أصول ألمانية، وهاجر إلى ألمانيا عام 2003، ولم يحمل شهادة مدرسية، إذ لم يستطع إكمال دراسته، واشتغل عاملا دون كفاءات أو مهارات تذكر في أحد المخازن، وعاش في ألمانيا على المعونة الاجتماعية.

أما تطرفه ضد الإسلام وأهله ومظاهره، فلا أحد يعرف -أو هكذا يقول المحققون حتى الآن- هل أتى به معه من روسيا أم اكتسبه في ألمانيا، وهل يرتبط بوضعه الاجتماعي أم يرتبط بالأجواء التي صنعها التحامل على الإسلام حديثا والموروث من معاداته تاريخيا؟.. إلا أن شتائمه التي أطلقها على مروة وحجابها تردّد ما هو معروف من أوساط المتطرفين المعادين لكل ما يحمل مواصفات أجنبي، والمتصاعدة ضد كل ما هو إسلامي، وقد كان مما وصفها به أنها "إسلامية إرهابية"، مما ينسجم مع ما لا ينقطع ذكره في وسائل الإعلام، وينشر الشبهة التعميمية، أن كل من هو مسلم، لابد أن يكون إرهابيا، أو مساندا للإرهاب، أو من الخلايا النائمة.

وصحيح أنه انطلقت حملات التوعية من داخل المجتمع الألماني، وبمشاركة كثير من المسلمين (وقد ناهز تعدادهم فيه 4 ملايين ونصف المليون، أكثر من نصفهم من أهل البلاد الأصليين أو المتجنسين)، ولكن مفعول هذه الحملات لم يصل إلى أوساط المتطرفين، لا سيما عندما يتلاقى التطرف مع سوء الأحوال المعيشية، نتيجة ازدياد انتشار البطالة والفقر في المانيا على نطاق واسع، والدعاية اليمينية المتطرفة منذ تسعينات القرن الميلادي العشرين، ومنها أن الأجانب يحتلون أماكن عمل العاطلين من الألمان، وهو كلام مردود بالأرقام ولكنه ليس موضوع الحديث هنا، سوى من حيث الإشارة إلى أن آلكس القاتل كان عاطلا عن العمل، يعيش على المعونة الاجتماعية من الدولة بأدنى مستوياتها، إضافة إلى أن انتشار الفكر العنصري اليميني في شرق ألمانيا أوسع نطاقا منه في غربها، رغم أن نسبة الأجانب أو ذوي الأصول الأجنبية مرتفعة في غرب البلاد وليس في شرقها.

ضحايا لا ناقة لهم ولا جمل

لم يكن ضعف الاهتمام الإعلامي في ألمانيا بهذه الجريمة مستغربا، وقد انعكس في اقتصار معظم وسائل الإعلام على نقل الخبر مختصرا دون ربطه بخلفية عداء عنصري، بل يمكن القول بسعي بعض وسائل الإعلام لاستبعاد ذلك، وقد تكون الحجج الواردة بهذا الصدد صحيحة من حيث عدم ارتباط الجاني بتنظيم ما، إنما لا تصح هذه الصورة عند النظر في علاقة الحادثة بالأجواء العامة السائدة بفعل حملات السنوات القليلة الماضية، والتي ساهمت في "تسييس" قضية الحجاب من جانب أوساط علمانية أصولية، وبعضها في مناصب توجيه إعلامية وحزبية وسياسية، تارة بالتركيز على أن الحجاب رمز وليس فريضة، وأخرى بالقول إنه تعبير عن اضطهاد المرأة رغم تناقض هذا القول مع حقيقة انتشاره طوعا، وتارة ثالثة من خلال استصدار قوانين تحظره على فتيات المدارس وفي الدوائر العامة كما في فرنسا، أو على المدرسات المسلمات في ألمانيا.

حملات التطرف العنصرية اليمينية من تسعينات القرن الميلادي العشرين وما رافقها من اعتداءات مباشرة على المسلمين عموما وعلى مساجدهم ومنشآتهم لم تعد جزءا من الواقع الألماني في الوقت الحاضر، فالخشية من تحولها إلى صدامات اجتماعية كبرى لعبت دورها في تنامي المعارضة الشعبية، وبالتالي عزلة التطرف العنصري، إنما كان ربط الإسلام بالإرهاب في الأعوام الثمانية الماضية على الأقل وريث تلك الحقبة، وهنا لا تصدر الحملات عن مجموعات وتنظيمات عنصرية أو متطرفة، وإنما عن أجهزة وأوساط سياسية وإعلامية وفكرية.

الآن فقط.. أي بعد أن ظهرت الحصيلة الأولية للحروب الأمريكية، ازدادت ردود الفعل المضادة، وبدأ كثير من المفكرين ينشر من مواقف الإنصاف والتوعية، ما يمكن اعتباره نواة لتبدل الأجواء العامة مستقبلا في اتجاه إيجابي.. إنما لا يمكن انتظار حدوث تحول واسع النطاق قبل مرور سنين عديدة، وإلى ذلك الحين ستبقى الجولات مستمرة، وهي أقرب إلى جولات فئات متطرفة من الجانبين وحملات عداء وعداء مضاد، تقتصر في واقعها على نسبة محدودة يمكن وصفها بالأصوليين العلمانيين في الغرب، تملك التأثير أكثر من سواها بحكم وجود كثير من هؤلاء في مفاصل صناعة القرار الإعلامي والفكري والثقافي، ويقابل هؤلاء من يمكن وصفهم بالمتشددين والمتطرفين في التعامل مع الآخر باسم الإسلام، وهؤلاء أيضا يرتفع صوتهم وإن كانوا قلة، بسبب نوعية ما يقومون به من أنشطة مثيرة.. علاوة على أن كلا من الطرفين يعطي الحجة للطرف الآخر بممارساته، ويدعمه واقعيا عبر الدعاية غير المباشرة له من خلال التهويل من شأنه والتركيز عليه، بدلا من التركيز على الغالبية التي توصف بالصامتة عادة، هنا وهناك.

وإلى أن تنحسر موجة العداء وأجواؤها، سيبقى الضحايا من هذه الغالبية الصامتة في الدرجة الأولى، ويحز في النفس أن تكون مروة من هؤلاء الضحايا!.

المصدر موقع اسلام اون لاين دوت نت

www.islamonline.net

المنتخب المصري

2009-06-25T14:29:00.003+03:00

حاجة غريبة جدا.. مش عارف احنا بقينا كده ليه ..

-حسن شحاته و المنتخب المصري خسروا امام الجزائر.. النتيجة .. لابد من اعدام حسن شحاته و الفريق المصري في ميدان عام لانهم ما بيعرفوش يلعبوا و انا لو جبت شوية العيال اللي في شارعنا و نزلنا قدام الجزائر هانعمل نتيجة احسن من كده و حسن شحاته ده احسن له يسيب التدريب و يفتح مسمط و يرحمنا من اللي بيعمله فينا ده.

-حسن شحاته و المنتخب المصري عملوا ماتش هايل قدام البرازيل و النتيجة 4\3 بس بهدلناهم و لولا ضربة الجزاء الاونطة اللي في الآخر دي كنا اتعادلنا و بعده المنتخب المصري يهزم فريق ايطاليا بطل العالم 1\0 في ماتش جامد جدا .. النتيجة: حسن شحاته ده طول عمره المعلم يا جماعه و أحسن مدرب مسك الفريق المصري و رجل الانجازات و ذو فكر صائب و رأي ثاقب و راجل سابق عصره بييجي 50 سنه و الفريق المصري ده أحسن منتخب في تاريخ مصر دول رجال بمعنى الكلمة و لاعبين على المستوى الفضائي و ليس العالمي و لو لاعبنا بيهم فريق المريخ حتى هانكسبه و الاغاني الوطنيه تشتغل و " والله و عملوها الرجالة و رفعوا راس مصر بلدنا"..

المنتخب المصري يخسر اما المنتخب الامريكي 3\0 .. النتيجة: مش انا قلت قبل كده الناس دي لازم يعدموا في ميدان عام هما و حسن شحاته اللي ما بيعرفش في الكورة اساسا و فين محل المسمط بتاعه اللي قلناله يفتحه و يرحمنا ؟؟؟ اللعيبه دول ما بيعرفوش يلعبوا اساسا ولا ليهم في البطيخ .. ثم هما كانوا سهرانين مع بنات ليل من هناك طول الليل و تقريبا لعبوا من غير ما يناموا و لا يستحموا و اللي حصل ده نتيجة طبيعية للارهاق و الركب المخلعه. دول نشغلهم في شركة الزبالة الايطاليه و نبقى عملنا اللي علينا .
هل ده شئ منطقي ؟؟؟...
هل ده شئ عادل؟؟؟...
هل ده شئ شرعي؟؟؟...
بالطبع لأ .. أيها النااااس الكورة مكسب و خسارة و مش ممكن الفريق هايكسب على طول و طالما مش بيخسر على طول يبقى الفريق مش فاشل و لا وحش..

و ما سمعناش ان الايطاليين طالبوا برؤوس اللاعبين بتوعهم لما خسروا امام الفريق المصري مع انهم ابطال العالم
و مش منطقي ان حسن شحاته لما يخسر امام الجزائر يكون مدرب فاشل و بعد مبارتي البرازيل و ايطاليا يبقى مدرب عبقري و لما يخسر امام امريكا يبقى فاشل تاني.. دا كلام -لامؤاخذه- حشاشين او مساطيل..

و القول نفسه ينطبق على اللاعبين في المنتخب .. الفريق اللي بيسجد سجده شكر على الارض بعد كل جون و ابو تريكة اللي مصر كلها عارفاه مش ممكن يسهر سهرة سوده في جنوب افريقيا و قبل ماتش امريكا.

و مش صح اننا نصدق اي اشاعة تتقال على المنتخب بتاعنا و نبتدي نجلد في اللاعبين و هما حتى لسه ما رجعوش و من غير ما نديلهم اي فرصة للدفاع عن نفسهم او اظهار الحق و ده غير شرعي بالمرة..

ثم بالمنطق كده حسن شحاته اللي اتخانق مع عمرو زكي و ما نزلوش الماتش علشان اتاخر بره و على ميعاد نومه هايسيب اللاعبين يعملوا كده.. و اللاعبين حتى لو عاوزين يعملوا كده هايعملوه ليله ماتش امريكا ؟؟؟ و ما عملوش كده من الاول ليه..
ثم" زيدان" اللي خاطب القمر "مي عز الدين" هايبص لواحده بنت ليل سوده كوده معفنه و عندها ايدز في جنوب افريقيا هو او اي واحد من اللاعبين المصريين اللي عايشين في مصر ام الدنيا و المصريات و الروس و الاوكرانيات و اللبنانيات و غيرهم . و ده حتى بافتراض ان اللاعبين حتى ممكن يعملوا كده و لو اني متأكد انهم مش ممكن يعملوا كده.. اعتقد ان الشخص الرياضي غالبا بيكون متدين و بيحافظ على صحته.

انا مع اللاعبين في رفضهم اعتذار "عمرو اديب "و اصرارهم على تقديم بلاغ للنائب العام ضده بسبب تشهيره بهم على الهواء مباشرة و بعد كده بيتصل بسمير زاهر بالتليفون يبلغه اعتذارة للاعبين .. بعد ايه بعد الفضيحة ما ملت مصر و العالم العربي كله.

كان المفروض انه ما يوسعش في الكلام و الشتيمة كده غير لما يتاكد الاول من حقيقة الاتهامات المخلة اللي اتهمهم بيها و اللي ممكن تهدم حياتهم العائليه بالكامل..

كلمة في النهاية:
بيعجبني مشجعى "نادي الزمالك" اللي واقفين في صف النادي و دايما وراه رغم الأزمات و الهزائم المتتالية بس روح الانتماء عندهم مخلياهم دايما في صف النادي .. اتمنى مصر كلها تكون كده مع المنتخب المصري... نفرح بفوزه و ندعمه و نعذره في هزائمه.
و تحيا مصر يا عم

2009-06-17T00:08:00.002+03:00

أسعار الذهب وصلت 144 للعيار 21 و ده يعتبر انخفاض ملحوض بيحسه كل المتابعين لسوق الذهب و ان كان غير مبرر في الوقت الحالي الا بانخفاض اداء البورصات العالميه الناتج من حالة الركود العالمي و الازمة الاقتصادية العالمية بالاضافة لحالة الهلع الناتجة من انفلونزا الخنازير على مستوى العالم.
جه أباما و مشي أوباما و لم يتغير شئ.
طلع المعلم النتن ياهو قالك "الدولة اليهودية" و عدم وقف الاستيطان و امكانية القبول بدوله فلسطينية و لكن منزوعة السلاح و بلا جيش طبعا و محدش يفكر في القدس لانها عاصمة ابدية لاسرائيل و كمان انكر حق العودة للاجئين الفلسطينيين بالخارج.. يعني باختصار قلم على قفا خطاب السيد المبجل اوباما..
النتيجة : تعليق من الادارة الامريكية بتقول ان ده تقدم كبير في عملية السلام كون اسرائيل وافقت مبدئيا على حل الدولتين و التفاوض.. ناس ذوق ذوق الصراحة.
الحق يتقال الريس حسني استغل حفلة في الجيش كانت فيها عرض مظلات و قفز بالبراشوت و كلام جامد من ده و راح فاقع اسرائيل و المعلم نتنياهو كام تصريح في العضل عجبوني جدا .. ما طلعوش من ذمة الادارة الامريكية.. و طبعا الحكومة المصرية بتخبط في اسرائيل و هي حاطة في بطنها بطيخة صيفي بسبب الخلافات النادرة و الموجوده دلوقت بين الادارة الامريكية و الحكومة الاسرائيلية .
و ده صح 100\100 دي فرصة من الواجب استغلالها و الخروج منها باكبر مكاسب ممكنة سواء من ناحية العلاقات مع الادارة الامريكية الجديدة أو الضغط على اسرائيل للحصول على اكبر مكاسب في موضوع فلسطين بس ربنا يهديهم و يتحدوا علشان تحقيق المصلحة للشعب الفلسطيني الغلبان الدايخ بين فتح و حماس و اسرائيل و مصر و السعودية و قطر .
اشاعة و توقع سمعته و اتمنى الا يتحقق:
بيقولوا ان احتمالات اغتيال اوباما كبيرة جدا خصوصا في 2010 بسبب اتجاهاته و ميوله السياسية و اصولة الاسلامية .. و ربنا يستر.

خبر تاني قرته و احزنني جدا:
الطاعون يتفشى في بلدة ليبية على الحدود مع مصر ..
حاجة غريبة جدا.. معروف ان الطاعون انتهى بعد الحرب العالمية التانيه .. و لم يظهر في اي بلد في العالم من وقتها .. فلماذا يظهر فجأة في بلدة ليبية و على الحدود مع مصر.. اعتقد مش مصادفة .. المشكلة ان المرض بيتنقل عن طريق الفئران و البعوض .. ربنا يستر لسه ما خلصناش من انفلونزا الطيور و الخنازير.

2009-06-14T18:18:00.002+03:00

الاخ العزيز: احمد الخشاب
يسعدني تشريفك
المحل في الصاغة في طنطا
لو حبيت تشرفني انزل الصاغة و اسأل عن محل الخشاب .

2009-06-04T15:56:00.002+03:00

الاخ العزيز: احمد الخشاب اللي اسمه على اسمي من حسن حظي : - اولا الشبكة المناسبة دلوقت للطبقة المتوسطة من 10:15 الف جنيه في وش العدو بس علشان خاطر الناس المحترمة اللي زيك احنا نقدمها هديه يا باشا.
ثانيا : كلامك مضبوط 100\100 و هو ده رأيي. اوباما رئيس لأمريكا و يعمل لصالحها فقط.. و أقول لمن يهللون لأوباما و يصفقون لخطابه و يتغنون بجماله: أوباما أتاكم يخطب ودكم و ما زال يحتل بلاد المسلمين و يقتلهم و ينهب ثرواتهم في العراق و افغانستان و تقتل اسرائيل أطفالنا و اخوتنا و اخواتنا في فلسطين تحت الحماية الامريكية..
فعلام نهلل لا أعلم.

2009-05-31T14:24:00.002+03:00

اولا:أحب ابدأ بخبر سعيد على ناس و محزن لناس و هو ان الذهب أصبح سعره 151 جنيه مصري للعيار 21 و 130 للعيار 18 و ده حسب التحليلات الاقتصادية بسبب ارتفاع سعر البترول الخام و اللي نتج بدوره من انخفاض مخزون النفط عند الولايات المتحدة الامريكية و السعر حاليا في ارتفاع و لو ان من وجهة نظري الخاصة انه بسبب التوتر القائم بين امريكا و كوريا الشمالية بسبب التجارب النوويه اللي عملتها كوريا مؤخرا بالعند في العالم كله، و من ناحية تانيه التوتر بين اسرائيل و إيران.. لاني شخصيا عندي قناعة و لكني لا أملك دليل عليها أن اليهود بيؤثروا بدرجة كبيرة في اسعار الذهب عالميا و دي حاجة تاريخية و موجوده في بروتوكولات حكماء صهيون لمن قرأها ..

بمناسبة أمريكا، زيارة"أوباما" اللي بيقولوا عليها تاريخية لمصر و عاملين عليها فيلم و دعاية كأنه هايجي يسوي الهوايل مش هيقول كلمتين متفق عليهم قبل كده و كمان هيعدي على السعوديه الأول قبل ما ييجي لمصر..

و حكايه أوباما مع السعوديه غريبه؛ الرئيس أوباما لم ينحني بالتحيه لأي رئيس أو ملك إلا لملك السعوديه و محدش يعرف السبب حتى الآن ... هل كان لملك السعوديه فضل عليه بتمويل حملته الانتخابيه أم شعوره أنه ملك بلد الحرمين و ذو مكانه خاصة عند المسلمين فأراد أن يغير و جهة نظر المسلمين السوداء تجاه أمريكا اللي سببها بوش .. و عموما التصريح الوحيد اللي قاله أوباما على زيارته للسعوديه أنه هيكلم ملك السعوديه في أسعار النفط و انها من المفروض تنخفض عن كده على الاقل بسبب الازمه الاقتصادية الحالية.. و يمكن يكون ده سبب الانحناء ... بيقدم السبت علشان يلاقى النفط قدامه.

نرجع لزيارة أوباما لمصر: في رأيي إن أوباما هو تغير في وجهة النظر الأمريكيه كلها، قدمت له وسائل الإعلام هناك و كأن صعود أوباما للسلطه كان مخطط له من سنين .. و الدليل على كده كميه الأفلام و المسلسلات الامريكية اللى صورت رئيس الولايات المتحدة في صورة رجل أسود زنجي كأوباما ..

ثانيا التعرض للحياة الخاصة في الافلام لأسرة الرئيس و حياته معهم و إنقاذة لهم و رعايتهم و ده اللي بيحاول أوباما دلوقت عمله . فيظهر في المطاعم العامة مع أسرته و يوصل أولاده للمدرسه و يرقص مع مراته في الحفلات.. الدنيا اتطورت و الناس هناك عاوزة رئيس مش منشي عاوزين واحد منهم يحكمهم علشان يحس بيهم و ده اللي حققه أوباما لأمريكا دلوقت..

زيارة أوباما لمصر من وجهة نظري ليس فيها ما يبشر سوى إختياره لمصر لإلقاء الخطاب منها و ده شئ ايجابي واضح فيه إن الرئيس مبارك إستفاد بشده من الخلاف الحالي بين اسرائيل و الادارة الامريكية الحاليه .. لأن ده ما كانش موقف أوباما من مصر من الأول .. أوباما أثناء حملته الانتخابية لف الشرق الاوسط و أوروبا و ماجاش مصر على أثر الخلاف القديم بين مبارك و بوش و اللي بسببه لم يزور الرئيس مبارك أمريكا لحوالي أربع سنوات.... إذاًَ حصل تطور حديث في العلاقات أدى لإختيار أوباما لمصر لإلقاء البيان للعلم الإسلامي منها.

على العموم الصراحة أنا مش فرحان بالزيارة دي بشدة زي بعض الناس .. أوباما إحنا متفائلين منه مع إننا لسه ما شفناش منه حاجة مش عارف الفرحة و التفاؤل ده كله سببه إيه.. يمكن أمل و حلم ..

حتى لا ننسى: اوباما في الأول و الآخر رئيس لأمريكا و يعمل للصالح الأمريكي و لو على حساب الآخرين

أمن إسرائيل جزء لا يتجزأ من أمن أمريكا حتى و إن دبت الخلافات بينهم من وقت لآخر و ده كلام الادارة الامريكية مش كلامي.

أقصى ما يمكن عمله هو الاستفادة قدر الإمكان من إنفتاح الرئيس الأمريكي و محاولته تحسين صورة أمريكا في الشرق الأوسط "حكومةً و شعب" و أعتقد ده اللي الرئيس مبارك بيحاول يعمله الايام دي..

باب التعليقات مفتوح للي يحب يضيف أو يختلف معايا في الرأي .

ايه الجديد؟؟؟

2009-05-03T22:31:00.002+03:00

تقدروا تقولولي ايه الجديد..
حاجة مكررة جدا جدا
انفلونزا الخنازير...
من قبلها انفلونزا الطيور و انفلونزا الخيول و جنون البقر الخ الخ
كل شويه حدوته..و القرارات الجامدة و التصريحات القويه من منظمة الصحة العالميه
و آخر حاجة قريتها وكيفتني جدا من منظمة الصحة العالميه عنوان جامد مووت:
" اسبوع يفصل بين السيطرة على فيروس انفلونزا الخنازير او فناء البشرية"
فناء البشريه كده مرة واحده ليه الكلام الجامد ده .. الناس دي زي ما يكونوا بيستنوا الحاجات دي علشان يطلعوا في التليفزيون و يقولوا كلمتين ..
و طبعا في مصر الوضع ولله الحمد تحت السيطرة بالضبط زي اول موضوع انفلونزا الطيور و بعد كده اصبحنا من البلاد الاولى المصنفة عالميا المتوطن فيها فيروس انفلونزا الطيور .. حاجة تفرح
و الخبر الجامد جدا و اللي خلاني وقعت من الضحك و ده بجد والله يا جماعة و قريته في الاهرام يعني مش فشر:
بيقولك اسرائيل اعترضت على تسمية الفيروس بأنفلونزا الخنازير لاسباب اجتماعية و عقائدية و بتطالب بتسميته فيروس h5n5 أو حاجة زي كده مش ده المهم .. المهم حكايه الاعتراض الرسمي على اسم انفلونزا الخنازير
الحكايه فيها تقريبا صله قرابة..
و مش بعيد يطلعوا قرار من مجلس الامن بضبط كل من يستخدم لفظ خنزير كشتيمة و اعتبارة معادي للساميه.. و الغاء الكلمات ذات الصلة مثل "خلبوص" و خنزئور" ..
الغريب ان الدول الغربيه استجابت فورا و عدلت الاسم في الخطابات الرسمية الى الاسم بالحروف اتش و ان بدلا من الخنازير علشان ما يزعلوش ولاد الخنازير القادرين و بصورة مستفزة على فرض آرائهم حتى في ظل اسود الظروف..
بصراحة بالنسبة لمصر انا اؤيد قرار ذبح جميع الخنازير و احيي الدكتور فتحي سرور الذي لحلح الحكومة لإتخاذ القرار ده و بالسرعة دي .. بس المهم التنفيذ و يا ريت مجلس الشعب و تحديدا الدكتور سرور و المستقلين يتابعوا التنفيذ عن قرب و التحقيق الجاد في اي بلاغ عن اي حد مخبي خنازير او اي حظائر غير معروفة و ربنا يستر.

2008-06-08T23:25:00.002+03:00

نظرا لطول الرسالة الأولى فقد قررت أن تكون الرسائل الجديدة في أول الصفحة حتى لا ترهق الباحث عن الكتابات الجديدة و لو كنت عاوز الموضوع من أوله يبقى من فضلك لو سمحت نزل الصفحة لتحت .

8\6\2008

"عم شوقي"
أنا قولتلكوا المرة اللي فاتت إني لسة بسأل العيال الأزواج أصدقائي على موضوع الحاجات اللى كل واحد فيهم عاوز يلاقيها في زوجته و لكن لأنهم جبناء و كل واحد فيهم خايف من مراته مش راضيين يعترفوا و لا حتى تحت الضغط و التعذيب, و بناء عليه قفلت باب المناقشة في الموضوع لحد ما حد يتجرأ و يتكلم .

نرجع بقى للصاغة و حواديتها.. النهارده هاحكيلكوا حكاية "عم شوقي" اللي كان بيشتغل معانا في المحل لحد السنة اللي قبل اللي فاتت .. عم شوقي ده كان من معجزات القرن .. حاجة كده لا حصلت و لا هاتحصل تاني ..

الراجل ده فضل يشتغل مع جدي و بعده مع والدي و عمي و معانا لما كبرنا و ده لمدة تزيد عن 50 سنة و بالمناسبة هو كان من مواليد سنة 1932 م و مات السنة اللي فاتت في ريعان شبابه عن عمر حوالي 75 سنة في عين العدو ... عم شوقي ده كان من علامات الصاغة مر عليه أجيال و أجيال من أصحاب المحلات ( المعلمين) و من اللي بيشتغلوا فيها ( الصبيان ) و على فكرة في الصاغة كلمة "صبي" تقال على كل من يعمل في محل في الصاغة مهما كان سنه ..

و علشان كده كان عم شوقي عارف تاريخ كل واحد في الصاغة : مين اللي أصله نجار ,و مين اللي كان ترزي ,و مين اللي كان صبي عند واحد و سرق من وراه هبرة معتبرة فتح بيها محل و بقى معلم, و مين اللي كان تاجر عملة ,و مين اللي كان بيشتغل في الالماظ و غيره يعني بإختصار عنده التاريخ القديم كله و الفضايح من أولها لآخرها .

عم شوقي كان نحيف الجسم جدا و قصير نسبيا و لابس نضارة قعر كباية و الباقي من شعره لونه فضي و ناعم و كان أسمر مكرمش البشرة أنفه طويل نسبيا مع فم صغير و كان دايما بيفكرني بعبد المنعم مدبولى في خفة دمه.

و مع إنه خرج من المدرسة من إبتدائي -على حد علمي- إنما كان عفريت في الحسابات و كمان كان عفريت في البيع و الشرا .و كل الناس كانت بتحبه معلمين و صبيان و زباين . و أنا شخصيا لحد لما سابنا كنت باحب أقعد معاه و أسمع حكاياته عن التاريخ القديم و نوادره مع الزباين و التجار .لكن عم شوقي ماكانش صبي بالمعنى الموجود في الصاغة بالعكس كان واحد مننا ,طبعا لطول العشرة , و كان بيحكيلي عن أيام زمان و الخير بتاع زمان : عن جدي ,لأني ما شفتش جدي الله يرحمه : كان يقولي إن الزباين زمان لما كانوا ييجوا يشتروا ذهب يجيبوله معاهم من البلد فطير و قرص و جبنه قريش و كان يطلع منهم ببقشيش محترم .و علشان كده قدر من خلال شغله مع جدي إنه يبني بيتين في البلد.

أما دلوقت الزباين ما يعلم بيهم إلا ربنا لو لقوه هو فطيره هاياخدوه معاهم و هما ماشيين .. الدنيا إتغيرت و الناس كمان .أهم مميزات عم شوقي إنه كان صايع قديم ما يسيبش حقه و لو مع التخين كان بيفكرني بعم أيوب في مسرحية العبقري محمد صبحي .. و كان في صياعته اللي مالهش أمارة دي بيعتمد على إن الناس كلها بتحبه و نظرا لسنه ما فيش حد هايحاول أنه يتخانق معاه و حتي اللي ما يعرفوش هايخاف يتخانق معاه أحسن يموت في إيده و يجيبله مصيبة .

كان غاوي هزار و نكت و في نفس الوقت كان بيتوسط لأي صبي إتخانق مع معلمه و ساب المحل علشان المعلم يرجعه تاني و بيتوسط لأي واحد عاوز يشتغل في محل لأول مره .لكن برضه ما كانش بيفوت بيعة أو شروه إلا لما يسمسر عليها . كان طالع واكل نازل واكل .

و كان عامل في بيت من البيتين مزرعة حيوانات مربي فيها معيز و حمام و رومي و أرانب و خرفان و كان بيصحى كل يوم من النوم الساعة 6 صباحا يروح للبيت اللي فيه الحيوانات و الطيور ينضف مكانها و يحطلها أكل و ميه و ييجي المحل عندنا حوالي الساعة 12 الضهر (باشا طبعا ) و يروح الساعة 10 مساءا يقعد في محل البقالة اللي فاتحه تحت البيت لأولاده لحد الساعة 12 نص الليل و بعدين يروح يتفرج على المصارعة الحرة على الدش و بعدين ينام .

لكن في الكام سنه الي قبل ما يموت جاله "سرطان" و كان بيتعالج تبع التأمين الصحي مره يروح ياخد العلاج و عشر مرات يزوغ و ده بسبب الآثار الجانبية لعلاج السرطان و اللي كانت بتتعبه جداو فضل على كده كذا سنة ,و كان عنده "مياه بيضاء" على عينيه و رفض يعمل العملية لأن الدكاتره كلهم في نظره نصابين . و كان بيتعالج من "الكبد و السكر و البرستاتا" حسب التساهيل ... كان قبل الغدا يطلع من جيبه كوكتيل حبوب أدوية يحدفها على بقه و يتغدى و أهي ماشية بالبركة .

أقنعته يعمل طقم أسنان بالعافية قبل ما يموت بثلاث سنوات بدل ما يزلط الأكل .
كان يعتبر كنز لأي دارس للطب لأنه كان عنده كل الأمراض المعروفة تقريبا و في وقت واحد و مع ذلك فضل يشغل لحد لما عمره و صل 75 سنه و كان خلاص بيفيص و أولاده قعدوه في البيت بالعافية لأنه كان خلاص مش قادر يمشي و مات بعدها بسنة واحدة في المستشفى لما بدأ ياخد الدواء بانتظام.

آخر حاجة هاقولها عنه إنه كان مسيحي و بيروح الكنيسة كل يوم أحد بإنتظام و دا أبلغ رد على الناس اللي بيفتكسوا موضوع إضطهاد الأقباط في مصر ... طبعا الراجل ده لو حاسس إنه مضطهد مننا كمسلمين ما كانش فضل يشتغل معانا أكتر من خمسين سنة و مع ثلاث أجيال من الأسرة في حين إن الصاغة مليانة تجار مسيحيين و كانوا يتمنوا إنه يشتغل مع أي واحد فيهم .

2008-06-04T22:34:00.002+03:00

4\6\2008

"عالم حريم حريم"
يا أخي حاجة تفلق .. كل شوية تلاقي كتاب عن المرأة .. كيف تفهمها , ماذا تريد المرأة , كيف تفكر المرأة , كيف تكسب زوجتك ...إلخ . و خد عندك أفلام من النوع ده: البنات عاوزة إيه و فيه منه فيلم إنجليزي كمان .
طيب و الراجل المفحوت ده مالوش نصيب حد يغلط و يشوفه عاوز إيه ولا نفسه في إيه قبل ما يفطس من اللي بيجراله !! ..
مفيش واحده ست عندها شوية دم تكتب عن الراجل أو الزوج؟
أنا كتبت المرة اللي فاتت عن التحول اللي بيحصل للزوجات بعد الجواز و الحاجات اللي بتخنق الراجل من مراته , تعالوا نتكلم النهارده عن الراجل عاوز إيه, و إيه اللي نفسه يشوفه في مراته من طباع و أخلاق.

أولا: أهم حاجة في حياة الراجل اللي طافح الكوته في شغله و أقل حق من حقوقه إنه لما يرجع البيت يلاقي مراته بتقابله بإبتسامة و كلمتين حلوين .. حاجة صعبة دي ؟!؟ الإبتسامة و الكلمتين الحلوين دول كفيلين بمسح تعب اليوم كله و تهيئة الراجل للحياة السعيدة في البيت.

ثانيا:مش لازم ابدا موال الشكاوي من شغل البيت و العيال و قلة الفلوس يبتدي قبل الغدا (مع إني عارف إنها هواية ممتعة للزوجات) , ممكن يستنى شوية لبعد الغدا علشان الراجل يعرف يبلع اللقمة بدل ما توقفيها في زوره.

ثالثا: لازم الست تكون مهندمة نفسها و مسرحة شعرها قبل ما جوزها يرجع علشان لما يرجع يلاقي منظرها جميل مش يلاقي بره الستات عاملين في نفسهم اللى ما يعمل و يرجع يلاقي أمنا الغوله في البيت.

رابعا:الرقة و الحنية بتاعة الخطوبة لازم تفضل موجوده بعد الجواز و بالرقة و الحنية الزوجة ممكن تلبس زوجها العمة و تخليه يوافق على كل اللي هي عاوزاه من غير خناق و لا مشاكل.

خامسا:لازم الزوجة تحسس زوجها إنها مقدرة تعبه في الشغل علشان هو كمان يقدر تعبها في البيت و مع الاولاد . مش تشتكي من البيت و الأولاد عمال على بطال بطريقة تستفزه و تخليه يتعصب عليها و يقولها ماهو أنا كمان طول النهار تعبان في الشغل يعني مش لوحدك , و طبعا تتقمص هي من كلامه و تكون دي بداية التتر في مسلسل الخناقات اللي ما بينتهيش.

سادسا: لازم الزوجة تعرف إن الراجل جواه طفل صغير لو عاملته بهدوء و حب و أقنعته بالراحة و وفرتله الجو المناسب و الدلع اللازم الحياة معاه هاتكون زي الفل.
طبعا دي مش كل الحاجات أنا لسه بآخد آراء الازواج أصدقائي .. لكن أعتقد بالحاجات دي و ببعض الذكاء من الزوجة ممكن الحياة تكون أسعد بكتير.. و على رأي الراحل فؤاد المهندس : " مش كده ولا إيه"

2008-05-29T16:28:00.003+03:00

29\5\2008
"الإنكار مش هايفيدك"
إنت متجوز ؟؟ لو الإجابة كانت "لأ" يبقى يا بختك ,و لو كانت الإجابة مع الأسف أيوة .. يبقى أكيد كنت خاطب قبل ما تتجوز .. عارف إنها مش طالبة غباء بس أنا عاوز أسأل حضرتك سؤال .. فاكر أيام الخطوبة ؟!؟
طيب ممكن أسأل حضرتك سؤال تاني و تستحملني و ترد عليا بصراحة ؟
بتحس بإيه لما تفتكر لهفة حضرتك و انت بتمسك إيد خطيبتك ( أيام لما كانت لسه خطيبتك ) و تبص في عينيها و تحاول تخترع أي موقف علشان تحط إيدك على كتفها آل يعني بتعدل لها هدومها أو طرحتها ..
طبعا لما بتفتكر نفسك و انت بتعمل كده بتحس إنك كنت أهبل و عبيط مش كده!! .. بس طبعا إنت كنت معذور.. هو إنت كنت هاتعرف منين إنها هاتتحول بعد الجواز للكائن المفترس اللي قاعد معاك في البيت دلوقت .
تعالوا نعمل مقارنة بسيطة عن البنت قبل الجواز و بعده ,و نشوف إيه هي أسباب التغيرات المفزعة اللي بتحصلها:
البنت قبل الجواز تسحب منها كلمتين بالعافية , بعد الجواز ما بتعرفش تسكتها.
قبل الجواز رقيقة و هادية , بعد الجواز مفترية و غجرية.
قبل الجواز تتمنى رضاك , بعدالجواز مستحيل إرضائها.
قبل الجواز رومانسية , بعد الجواز بتقول إنها رومانسية.
قبل الجواز ماكياج و برفان , بعد الجواز بصل و ثوم.
قبل الجواز ورده و جواب , بعد الجواز منفضة و حلة.
قبل الجواز قوام ممشوق , بعد الجواز شجرة جميز.
قبل الجواز مامتك حبيبتها , بعد الجواز أمك عدوتها.
قبل الجواز أحلام وردية , بعد الجواز فساتين و عربية.
يعني باختصار "طبق كافيار" يتحول بقدرة قادر الى"صحن بصارة" ليه ما تعرفش.
حضرتك بتتجوز و كل اللي في دماغك الأحلام الوردية عن الأسرة السعيدة و الزوجة الحنونة الرقيقة و القصص الحامضانة بتاعة "لقمة صغيورة تشبعنا و عش العصفورة يقضينا" و الحاجات دي .. لكن الواقع الأليم إن الحياة بتكون وردية لمدة كام أسبوع بعد الزفاف و بعدين تاخد أول قلم على قفا سيادتك : إيه؟؟ مبروك المدام حامل , و بعدين.. تعبانة و زهقانة من الحمل و آه يا ضهري آه يا بطني آه يا وسطي .. معلش إستحملها .. تقول مش مشكلة كلها تسع شهور و الحياة ترجع تحلو تاني .
ينزل تاني قلم على قفاك.. إيه ؟؟ المدام ولدت . و خد عندك بقى طبعا سهرانة طول الليل بالنونو , النونو عاوز دكتور و دواء ,النونو مطلع عينها .. معلش إستحملها ..
طبعا تقول طيب لما يكبر شوية الحياة هاتحلو تاني.. ماتلحقش تكمل الكلمة تلاقى الواد عاوز يدخل المدرسة و عاوز مصاريف مدرسة و لبس و دروس و مذاكرة و امتحانات و خد عندك يا ريس و في وسط كل ده "هووباااااا " إيه؟؟ المدام نسيت الحباية و حامل تاني ." يا عيني عليك " و ترجع تعيد من الأول تاني ما فيش فايدة ..
باختصار تلاقي مهنتك الوحيدة في البيت و فايدتك إنك تجيب فلوس بره البيت و تشتغل داده جوه البيت .
و المدام طبعا هاتفضى للعيال و لا ليك .. يبقى تتهبب على عينك و تستمتع بالحياة البمبي اللي كنت بتحلم بيها ..
عرفت و إتأكدت إنك كنت أهبل و عبيط ولا لسة؟!؟

2008-05-15T15:41:00.003+03:00

15\5\2008

"كيدهن عظيم"
أما أنا قريت في الجورنال حادثة ليها العجب يا رجالة... علشان تعرفوا الحريم و كيد الحريم.. بيقولك يا سيدي واحد عامل في القليوبية (محدش يقولى عامل ايه؟.. عامل يعني بيشتغل عامل يا ناصحين) . بس من الرجالة اللي تعجبك ..بيتخانق مع مراته باستمرار و في آخر كل خناقة يروح رازعها العلقة المحترمة .." يا بخته!!".
المهم إن الهانم كانت حامل في الشهر الرابع و أخينا ده ما عندوش ياأما إرحميني ... إتخانق معاها و برضه إداها العلقة المحترمة.. جريت منه مراته في الشقة كلها هربا من التلطيش و الضرب و أخيرا دخلت الحمام و قفلت الباب على نفسها جوه, أخينا ما سكتش هو كمان ..فضل يرزع على الباب لحد ما فتحتله الباب و لقى قدامه مفاجأة مذهلة...
على فكرة أنا ممكن أعمل حركة نداله و أوقف الكلام لحد هنا و ما أقولش إيه هي المفاجأة على طريقة" الأوبن إند" "open end" و لكن منعا لقلة الأدب و الشتيمة هاقولكوا.
المفاجأة إنه لقى مراته بتقوله إنها نزلت الحمل إنتقاما منه و إدتله الجنين في إيده.. أخينا شاف كده و اتجنن ..
- كده طيب و الله لاوديكي في داهية
و ماكدبش خبر,راح جايب حتة قماشة و لف فيها الجنين و على قسم الشرطة دوغري يعمل بلاغ ضد مراته على اللي هي هببته و إنها سقطت نفسها و نزلت الحمل مع سبق الاصرار و الترصد .
عمل البلاغ و كان عاوز يوري مأمور القسم الجنين الميت كدليل على صدق كلامه لكن طبعا المأمور ما رضيش يشوفه و قاله لما نحولك على النيابة إبقى وريهم كل اللي إنت عاوزه هناك .و حوله على النيابة أخدت أقواله و حولته على الطب الشرعي للكشف على جثة الجنين الغلبان اللي ما لوش ذنب في الموضوع من أوله .. و في الطب الشرعي كانت المفاجأة التانية و اللي أنقح من الأولانية..
الجنين الميت ما هو إلا عروسة بلاستيك و المدام مغرقاها ميكروكروم .. يعني لا جنين و لا حاجة و لا المدام نزلت الحمل و لا حاجة و إنما هو من كيد النساء و صاحبنا شرب المقلب للآخر و طبعا أخد تريقة هناك لحد ودانه.
لغاية هنا و الخبر خلص .. أنا بقى نفسي أعرف الراجل ده لما روح عمل في مراته إيه؟!؟ صحيح هم يبكي و هم يضحك.
خبر تاني قريته من كام يوم على العكس تماما , تصوروا عن إيه؟
عن الستات اللي بتضرب أزواجها ( صحيح اللي يشوف بلوة غيره تهون عليه بلوته) .. بيقولك عملوا أبحاث و حوارات لقوا إن فيه ستات كتير بتضرب أزواجهن و خصوصا بأدوات المطبخ و غالبا ده بيكون في الحالات اللي الست فيها بنيتها الجسمانية أقوى من الرجل ..
و أنا من هنا أنصح كل الشباب المقبلين على الزواج : إذا كانت العروسة اللي إنت ناوى تتجوزها أضخم منك جسمانيا , إهرب بجلدك قبل فوات الأوان قبل ما تنضم لحزب "مبطوحون بلا حدود" و ساعتها ماحدش هاينفعك يا ريس
و ما فيش مانع إنك لو إتقدمت لعروسه تعملها أى إختبار يعني تلاعبها "رست" مثلا و لو هي اللي كسبت قولها طيب يا روحي أنا هانزل أجيبلك هدية جميلة بالمناسبة دي و أول ما تطلع من باب شقتهم تبلغ فرار فورا .
و بالنسبة للمتزوجين : لو مراتك بتتخانق معاك و بتزعقلك , إعرف إنك في نعمة تحسد عليها و إن فيه رجالة غيرك بينضربوا و بيتمسح بيهم البلاط ..
و حذاري من الخناق في المطبخ بدل ما تلاقي طبق طاير لزق في خلقة حضرتك , ولا شوكة طائشة رشقت في وشك .. و على كل حال الطيب أحسن و ربنا يهدي الجميع و يهد المفتري.

2008-04-24T15:33:00.003+02:00

24\4\2008

"مراتي مسافرة"
"مراتي مسافرة و هاعمل حفلة بس ياريت ما تجيش على غفلة" ... الله يبارك فيكوا يا جماعة ..عقبال عندكوا جميعا و مش عاوز حقد ولا حسد من أي واحد متجوز ,و عموما ربنا ما يحرم حد من النعمة دي .. (طبعا أنا أقصد بالنعمة سفر الزوجات مش الزواج نفسه)
الحكاية و ما فيها إن مراتي قررت تسافر تزور الست حماتي و تقعد هناك كام يوم و طبعا المسكين اللي هو أنا مش هايقدر يسافر معاهم علشان ظروف الشغل يا عيني, و ها يقعد لوحده في البيت .. " مش غلبان بالذمة"
و طبعا لابد من إستغلال هذه المناسبة للتنويه على المحظوظين اللي لسة ما إتجوزوش إنهم يتجوزوا واحدة من مدينة تانية و يستحسن من محافظة تانية ..صحيح إنت هاتتشحطط في فترة الخطوبة رايح جاي إنما بعد الجواز يا معلم هاتضمن الحصول على أجازة زوجية زي اللي باخدها أحيانا( و دي ميزة لا تقدر بثمن) .
نرجع لحكاية مراتي.. من كام يوم لقيتها بتقولي:
- على فكرة الأسبوع اللي جاي كله أجازات و عاوزة أروح لماما ..أصلي بقالي كتير ما شفتهاش و وحشتني جدا .
- فعلا .. يا سلام تصوري إنها واحشاني أنا كمان .. بس يعني ها تسيبوني لوحدي كده!! (ما إنت لازم تقول كده , لأنها لو حست للحظة إنك فرحان إنها مسافرة ها ترجع في كلامها ).. دا البيت من غيركوا بيبقى كئيب و فاضي و ساكت و مش بلاقي حد اتكلم معاه.
و سرحت دقيقة أفكر في مشاريعي خلال فترة سفرهم بس فوقت على صوت مراتي بتقول كالعادة :
- خير سرحان في إيه؟؟
- أبدا بفكر هاعمل إيه لوحدي من غيركوا.. ها توحشوني قوي.
- طيب ما تيجي معانا
- ياريت بس انت عارفة الشغل و ظروفه .. معلش متعوضة قريب إن شاء الله بس و الله ما تنسيش تسلميلي على حماتي كتير.
المهم قبل ما أرجع من الشغل في نفس اليوم كنت حاجز لهم تذاكر القطار و وصلتهم المحطة تاني يوم و ودعتهم و الدمعة هاتفر من عيني ..( دموع الفرح طبعا)
و ما نسيتش أوصي الست حرمنا إنها أول ما توصل تتصل بيا تطمني على إنهم وصلوا بالسلامة علشان أبدأ الإحتفالات الرسمية بالأجازة الزوجية .
و أول ما رجعت البيت ودخلت لقيته فاضي ما صدقتش نفسي من الفرحة , و على طريقة (ميل جيبسون ) في فيلم "القلب الشجاع" " .."Brave heart
قلت بأعلى صوتي "freeeeeeedoooom"
أخيرا بقيت حر و لمدة أربعة أيام كاملة يا سلام .. و الله زمان .. مفيش رايح فين و جاي منين , مفيش زن من العيال, مفيش لستة طلبات من السوبر ماركت ,.. و إيه كمان هاتغدى عند أمي " ست الحبايب " اللي أكلها وحشني جدا.. الأكل المضبوط بجد مش الخلطبيطة اللي بناكل منها كل يوم مش باين لها لحمة من فراخ من طعمية.
وفات حوالي ساعة و أنا سارح في أحلام الحرية و مستمتع بيها على الآخر و بعدين لقيت مراتي بتكلمني على الموبايل :
-حمد الله على السلامة يا روحي ..و صلتوا بالسلامة؟
-وصلنا إيه القطر متعطل و من ساعتها و هو واقف مكانه و مستنيين حد ييجي يصلحه أو يجيبوا جرار تاني و لا ده جه و لا ده جه.
-يا خبر مش فايت و بعدين ؟
- و لا قبلين أنا خلاص إتشائمت من السفرية دي, تعالى خدنا من المحطة .
-آخدكوا إزاي .. طيب و حماتي ؟
-أنا خلاص كلمتها في التليفون و هي اللي هاتيجي تقعد عندنا فترة الأجازة,
مش إنت كنت زعلان إننا مسافرين ,خلاص أدينا مش هانسافر , تعالى خدنا من المحطة تاني يللا
رديت و أنا في قمة الحزن و الأسى:
-طيب يا روحي أنا جاي حالا
و نزلت و الدموع في عيني بجد المرة دي ..يا فرحة ما تمت مش قلتلكوا مش عاوز حقد ..
أهي الأجازة الزوجية باظت و كمان حماتي هاتيجي تقضي الأجازة عندنا و كل ده بسبب تعطل القطار ..
تفتكروا لو رفعت على وزير النقل قضية تعويض عن الأضرار النفسية اللي حصلتلي بسبب تعطل القطار أكسبها؟؟!!

2008-04-19T19:37:00.005+02:00

19\4\2008

"الثورة"

يا جماعة كده مش هاينفع .. هانفضل ساكتين لغاية إمتى .. الذل و الهوان و البهدلة بقوا عِيشنا و مَلحِنا .. الحياة ما عادش ليها طعم .. لازم نتحرك.. نرفض الظلم و الطغيان , نستعمل كل أساليب الإعتراض السِ لمية من إضراب و إعتصام و غيره , و لو لزم الأمر نلجأ للأساليب الغير سلمية .. و زي ما تيجي تيجي , إحنا ما عادش عندنا شئ نخسره.. ها يحصل لنا إيه أكتر من كده؟!؟

لازم نتحرك و مش بس كده لازم نحرك كل الّلي حوالينا . تحرُكاتنا لازم تكون إيجابية و مدروسة و مُنظمة, حتى لو إضطرينا نعمل مجموعات على "الفيس بوك" اللي بيقولوا عليه علشان محاولات رصدنا و السيطرة على تحركاتنا تكون مستحيلة ..

و لو تم استخدام أساليب القمع ضدنا لازم نقاوم و نقاتل في سبيل حريتنا و حقنا في الحياة .
دي كانت مقدمة الخطبة العصماء اللي شهدتها الكافيتريا الأسبوع ده و اللي قلتها جَنابي و كان سببها إننا كنا قاعدين في أمان الله و إفتكرنا واحد صاحبنا إسمه "محمد حمدي" محاسب في بنك أجنبي و مفقود من حوالي شهرين يعني من يوم جوازه لأنه إتجوز من نفس الفتره تقريبا و كانت آخر مرة شفنا فيها خلقته.

المهم صديقنا حسام الشبيني إتصل بٍيِه و "إزيك يا مان" و "كيف الأحوال" و خلافه و بعدين "مش ها تيجي ولا إيه؟" و لحد هنا و لقيت عمنا حسام هاتك يا ضِحك و بعدين قولتله : " في إيه يابني؟ " قالك الواد بيقوله "معلش أشوفك الأسبوع الجاي علشان أنا خرجت يوم الخميس الأسبوع اللي فات و مراتي محرجة عليّا أخرج غير كل أسبوعين مره و إنت عارف بقى سياسة القهر و التجويع و الحصار" .

أنا سمعت الكلام ده يا معلم و دمي فار, و رحت متقمص شخصية "محمد سعد" في فيلم "عوكل الجن" لما دخل قهوة المصريين في أثينا و رحت خابط على الترابيزة بإيدي و طالع بالكلمتين اللي قولتهم لكوا دول و طبعا ما فاتنيش الإستشهاد بالأشعار و الأقوال المأثورة لزوم إثارة الحماسة زي :

أخي جاوز الظالمون المدى ************و حق الجهاد و حق الفدا
و أغنية العصفورة ماجدة الرومي:
قوم إتحدى الظلم إتمرد************ كسر ها الصمت اللي فيك
طبعا كلامي جه على الجرح لكل المتجوزين و كانت نهاية الخطبة بداية لمؤتمر إستَعرض فيه كل واحد مننا الظلم و الطغيان الواقع عليه و ما يراه من أساليب يقترحها من شأنها رفع هذا الظلم و تحرير الرجل في بيته.

و في نهاية المؤتمر دي كانت التوصيات اللي أقرها الأعضاء الرئيسيين :

1- إصدار نشرات دورية لتعريف كل مقبل على الزواج بالخيبة القوية التي هو مقبل عليها و الخطوة السوداء التي لن يرفع رأسه بعدها قبل الفاس ما تيجي في الراس و ينضم لجمعية "مقهورون بلا حدود".

2-قطع كافة أشكال التعامل مع الزوجات و محاولة كسب أي ترضيات أو حقوق لرفع مكانة الرجل و محاولة إستعادة بعض حقوقه المسلوبة.

3-اللجوء لوسائل الإعلام و صحف المعارضة و نشر إستغاثات على حساب الجمعية لإنقاذ أو محاولة إنقاذ أي زوج واقع في براثن زوجة مفترية و مش عارف يفلفص يا عيني .

4-على كل الأزواج تربية شناباتهم و برمها لفوق و تطخين أصواتهم في المنزل لمحاولة إستعادة الهيبة الضائعة.

5-عندما تتضايق من مراتك و طبعا ما عندكش الجرأة تشخط فيها إتلكك للولاد و أشخط فيهم و هددهم بالضرب 0(على طريقة إضرب المربوط يخاف السايب).

6-التمرد على أوامر الزوجات و عدم تنفيذها لأي سبب و دي أهم توصية و دي اللي محتاجة الجرأة و الكفاح بجد.
المهم تعاهدنا على كده و ما نستش أخليهم يغنوا مع بعض قبل ما نمشي أغنية " و الله زمان يا سلاحي " كنوع من شحذ الهمم اللي بيقولوا عليه..

و رجعت على البيت و طبعا ناوي و بجدية و إصرار و عزيمة إني ما أنفذش أي حاجة من اللي قلناها في المؤتمر المزعوم ده ... العمر مش بعزقة يا رجالة..

لكن يظهر إن أصدقائي سِخنوا بجد و الكلام أثر فيهم , بس مش عارف إيه اللي حصل بالضبط ... أنا جالي رسايل من تلاته منهم من كلمتين " منك لله " و الباقي تليفوناتهم مقفولة من ساعتها ..... ربنا يستر

2008-04-14T16:30:00.005+02:00

14\4\2008

"خليك أسد"

كتمان المشاعر السلبية من أكثر الأشياء التي تؤثر على الإنسان و على حياته سواء صحيا أو نفسيا و علشان كده أنا عاوز كل واحد فيكوا يطّلع اللي جواه من غير خوف... هنفضل خايفين لغاية إمتى؟!؟
أنا مثلا إمبارح طلعت كل المشاعر السلبية اللي عندي والمعروف طبعا هي تجاه مين...
قلتلها بكل صراحة و بدون خوف : شوفي أنا راجل البيت يا هانم, مش كل حاجة كلامك اللي يمشي فيها .. لما يبقى يطلعلك شنب تبقي تمشي كلامك عليا... من هنا ورايح الكلمة كلمتي في البيت, و أي إعتراض منك هيكون الرد عليه قاسي و عنيف.. هرزعك على بوزك على طول .. أنا ما عنديش ياما إرحميني . مش علشان دلعتك شوية يبقى خلاص, و خلي بالك أنا أخرج مع أصحابي و قت ما أنا عاوز و أرجع وقت ما أنا عاوز , و إياكي تسأليني رايح فين و جاي منين . كفاية قهر كده .
و لما أرجع البيت تكوني محضره طشت ميه و ملح علشان تدعكيلي رجليا .. سي السيد مش أحسن مني , من النهاره أنا سي أحمد .. و مفيش حكومة أنا الحكومة..
و اللي مش عاجبه الباب يفوت جمل .
و يكون في علمك ما أسمعش صوتك في البيت , لو صوتك طلع و أنا في البيت ليلتك سودا.. أنا الراجل , أزعق و أشخط و أشتمك كمان و تقولي أمرك يا سي أحمد , إنتي فاهمة و لا لأ.
و فضلت على كده يا معلم ييجي نص ساعة نازل زعيق و شخط و نطر و فين يوجعك.. و بعدها حسيت براحة كبيرة جدا و سلام نفسي ما حسيتوش من زمان .
و أكيد الراحة دي هاتكون أكبر لو قلتلها الكلام ده في وشها مش قدام صورتها و هي مش موجوده زي أنا ما عملت ..
طيب لو مراتك مضايقاك و منغصة عليك عيشتك و مش قادر تفتح بقك و نفسك ترزعها قلم محترم ينزل يطرقع على خلقتها الكريمة تخلص فيه زهقك منها , لكن طبعا مش قادر... تعمل إيه؟!؟ أنا عندي الحل .. هاقولك تعمل إيه ,بس ركز معايا :
حضرتك تستنى لما مراتك تنام و تيجي إنت و ترقد جنبها على السرير .. إفرض إن مراتك نايمة على شمالك (جنب إيدك اللي مش بتاكل بيها و إوعى تكون بتاكل بإيديك الإتنين) ... تنام حضرتك على ظهرك بحيث تكون المسافة بينكوا أقل من طول ذراعك بشوية (لازم تحسب المسافة كويس و إلا القلم مش هيطرقع زي ما إنت عاوز) و بعدين تفرد ذراعك و إيدك اليمين على أخرها و تغمض عينيك و تروح فجأة متقلب على جنبك الشمال و إيدك مفروده و هوبااا... طاااخ , تروح إيدك نازلة على وشها عدل و أهم حاجة إنها لما تصحى تصوت من القلم تعمل إنت إنك يا عيني نايم و بتتقلب و مش قصدك و لما تصحى : معلش يا روحي الحقيقة كان غصب عني .
دي وصفة أنا شخصيا جربتها .. لكن يا ريت ما تغلطش غلطتي و تكمل نوم جنبها بقية الليلة و إلا هاتصحى من النوم زيي على بوكس في عينك قال إيه كانت بتحلم إنه فيه حرامي دخل البيت ...
معلش لازم أقوم دلوقت علشان ميعاد الدكتور جه . أصل الورم اللي في عيني راح بس لسه فيه ألم.

2008-04-14T01:32:00.004+02:00

13\4\2008

"خبر فظيع"

يا نهار مش فايت ... إيه اللي مكتوب في الجرنال ده ؟!؟
خبر فظيع .. مصيبة .. كارثة بكل المقاييس
أول لما قريته إفتكرت أغنية إيهاب توفيق : "هي ناقصاك إنت كمان"
الخبر كان عن بحث بريطاني عمله واحد ربنا يسامحه أو واحده ربنا ينتقم منها ..

البحث بيقول إن الزوجة تستحق مرتب عن الأعمال اللي بتقوم بيها في منزل الزوجية نظير كنس و مسح و طبيخ و تربية أولاد و غسيل و مكوة و خلافه من الأعمال المنزلية .. تصوروا البحث بيقول إنها تستحق كام ...( 30000جنيه استرليني) يعني حوالي (60000 دولار) -أعصابي مستحملتش أحسبهم بالمصري يطلعوا كام جنيه_ ليييييييييييييييه
و الراجل الشقيان اللي بيشتغل طول النهار و يصرف على البيت ده و بيقوم بعمل بطولي تاني و هو إنه بيستحمل الست اللي بتعمل كل ده .. ياخد صابونه كده.
دا الراجل هنا مهضوم حقه بشكل ..
إسمع مثلا: حرمكم المصون و أولادك الأعزء أي حد فيهم معاه أي فلوس يقولك " أنا معايا كذا أو عندي كذا " أما أي حاجة معاك إنت يا زوج يا مقهور تلاقيهم بيقولوا "إحنا معانا كذا أو عندنا كذا " إشمعنى حاجتك و فلوسك هي اللي مشاع في البيت و حاجة كل واحد تاني لنفسه ما تعرفش..
و بعدين دا بحث بريطاني هما حرين في بريطانيا بتاعتهم لكن البحث ده يتنشر في الصحف المصرية ليه ؟؟ هية محكمة الأسرة ناقصة قضايا خلع ؟!؟
ثم إنتوا هاتجيبوا حريم بريطانيا اليع يع أبو شعر أصفر و عيون خضرا و زرقا الوحشين دول زي زوجاتنا الفاتنات حماهم الله .. ده كلام برضه !!
طيب أنا مستعد أقعد في البيت و أعمل كل ده و حد يديني نص الفلوس دي.. طيب تعمل إيه يا بطل لو مراتك قرأت الخبر ده ؟ تطلب منها تعملك كوباية شاي إزاي دلوقت؟ تعمل لها حصالة في المطبخ و كل أكله تحط لها في الحصالة أجرة الطبخ ؟
طيب مش لما تلاقي ثمن الأكل اللي هينطبخ أصلا!! يا ناس حرام عليكم.
معلش يا جماعة الرسالة المره دي قصيرة جدا أنا عارف بس لازم أقوم دلوقت علشان عندي غسيل و كمان ميعاد الغدا قرب و لسه ما طبختش , عموما هكتب لكم تاني أول لما أخلص تنظيف البيت.....

2008-04-05T22:15:00.003+02:00

1\4\2008

"وما الدنيا إلا مسرح كبير" في الذِمه الراجل يوسف وهبي ده كان دماغه كبيرة أوي والله , و يظهر إنه كان من الناس اللي عندها وجهة نظر في الحياة مش عايش كده في الأونطه . بس أعتقد إنه لو كان لسه عايش دلوقت كان غير كلامه و قال : "و ما الدنيا إلا مورستان كبير" و كلمة "مورستان" أعتقد إن أصلها فارسي و مكونه من مقطعين ...
يا عم دماغك هو ده وقت تحقيق لغوي !!

المهم . . أول إمبارح رجعت من الشغل على البيت قرفان و طهقان و مش عاوز أسمع ولا كلمة ولا أقول ولا كلمة, لكن طبعا إزاي هي دي تيجي , بعد الغدا وأنا قاعد مسترخي قدام التليفزيون و بفكر : " يا سلام ..مفيش أحسن من بيت الواحد يقدر يرتاح فيه و الإسترخاء بعد يوم شغل طويل" لقيت المدام عمالة تفتح موضوع ورا التاني و أخوكم طبعا ولا هو هنا عايش في الإسترخاء و كانت النتيجة إني سمعت محاضرة عن الخرس الزوجي اللي بيصيب الرجال بعد الجواز.. تلاها كلمتين بسمعهم كل يوم و كنت نويت للمدام بسببهم على نية تخليها تبطل تقولهم حتى آخر العمر: .. "ياراجل كلمني " .. "طيب حتى سَمعني صوتك " , عنها يا معلم و هي دي اللحظة اللي كنت مستنيها هي قالت من هنا سمعني صوتك رحت داخل لها على طول " قارئة الفنجان " من أول "جلست والخوف بعينيها" لحد "وطريقك مسدود مسدود مسدود" قالت لي "إيه يا راجل ده إنت فاكر نفسك في ستار أكاديمي هنا" .. رديت و براءة الأطفال في عيني "مش إنتي يا روحي اللي بتقولي سمعني صوتك أنا عاوز أرضيكي يا حبيبتي" ...
ولسه المناقشة كانت حتتطور ربنا ستر و أنقذني تليفون من صديقى "كامل بدوي" وأول ما سمعت رنة التليفون طقت في دماغي فكرة وحلفت لأعملها :

- ألوه سلام عليكم.
- عليكم السلام .. أهلا يا كامل مال صوتك؟
- مفيش حاجه يا أبو حميد . إيه أخبارك؟
- الحمد لله وإنت عامل إيه ؟
- الحمد لله تمام .
- يا ساتر يا رب و إمتى حصل ده؟؟
- حصل إيه يا بني بقولك الحمد لله .. أنا كنت عاوز أسألك على سعر الدهب.
- لا حول و لا قوة إلا بالله والدفنه إمتى؟
- دفنة مين فال الله و لا فالك .. يا عم بقولك سعرالدهب .
- ايوه هو كان صحيح ..غبي شوية.. بس صاحبنا بقى نعمل إيه !.. بتقول العزا النهارده باليل . . طبعا هاجي و دي عاوزه كلام .
- نعم نعم يا خويا.. إنت بتخلع من البيت على قفايا .
- لازم طبعاً دا كان حبيبي .
- ماشي يا سيدي , لكن لازم تكلمني في البيت أنا كمان تزوغني .. وإلا والله هاتصل بمراتك وأوديك في داهية.
- طبعاً طبعاً دا أقل واجب . أنا هافوت عليك بعد ساعة و نروح سوا , سلام .

معلش يا روحي كان نفسي أقعد أتكلم معاكي لكن إنتي سامعه أهه لازم أنزل دلوقت, إنتي عارفه إني ما بيفوتنيش واجب .. هه أقوم ألبس ..عاوزه حاجة من بره..
لو إتأخرت نامي إنتي و ما تتعبيش نفسك و تستنيني يمكن أتأخر لازم أقعد لآخر العزاء.

و قبل ما أديلها فرصه ترد على أي كلمة من اللي قولتهم كنت طاير من قدامها على أوضة النوم أخدت لبسي و كملت لبسه على السلم قبل ما تفوق و تبتدي الأسئلة و التحقيقات التى غالبا ما تنتهي بفقس ألاعيبي البريئه .
و إتصلنا بباقي أعضاء جمعية " مقهورون بلا حدود " و كانت ليلة زي الفل و بولة إستميشن لها العجب .

إييييييييييييييه محدش بيخرج بالساهل.

2008-03-28T19:26:00.005+02:00

28\3\2008
أنا إسمي أحمد.. و عندي عيال .. هاتساعدني
يظهر إن هو ده هايكون شعار المرحلة القادمة في ظل الرخاء و إزدياد معدل النمو الإقتصادي و رخص أسعار السلع .. و جمال و هدوء و حِكمة الزوجات الفاتنات.
نصف الشلة خلعت ( يعني فلسعوا) على بره , و يظهر إني هاقعد في مصر لوحدي أكلمهم على الماسنجر..
قائد سرب الهجرة كان الطبيب البشري تامر المغازي و ده سافر على ألمانيا ,و بعده هيثم وجدي و ده بكالوريوس تربية رياضية و سافر على السعودية ,و بعده أمجد سعد و ده بقى حكايته حكاية خريج "كلية العلوم قسم حيوان" اشتغل في الأدوية البشرية فترة و دخل إمتحانات وزارة الخارجية علشان يتعين ملحق دبلوماسي بوزارة الخارجية مرتين و في المرتين يكون على وشك النجاح و يجتاز جميع الإختبارات ,و في الآخر يسقط لأسباب غير معلومة ,و في الآخر سافر على السعودية يشتغل في الكومبيوتر و الشبكات " أظن و لا مكتب القوى العاملة عندنا يعرف يعملها دي"
وتلاه الدكتور محمد أبو سالم ,دكتور بيطري سافر قطر يشتغل مندوب دعاية في شركة أدوية بشرية.
و لسة طازة المهندس حسن غانم سافر من حوالي أسبوع و لسة مكلمني دلوقتي .. و الباقي بيدوروا على عقود ... ربنا يصلح حالنا و حال الجميع .

______________________________

النهارده ححكيلكوا حكاية من حكايات الصاغة و هي محل عملي .. مر عليّ هناك حوالي تسع سنوات و شكلي كده هفضل هناك على طول ..
الصاغة مجتمع غريب غامض على غير العاملين فيه, ملئ بالأسرار و الحكايات و متميز عن أي سوق آخر بالعلاقات الوطيده بين العاملين فيه , يعني مفيش حاجة بتستخبى , كل واحد عارف كل حاجة عن الباقين نظرا للتعاملات المشتركة و المتشابكة بين أفراده .
و حكايتنا عن "الشهيد عبوده" و هو مش شهيد و لا حاجة و لكن اللقب نوع من حس الفكاهة المصري.
عبوده كان من معالم الصاغة حتى عام 2007م . و المعروف عن تاريخه إنه سافر فرنسا يشتغل هناك من زمان - معرفش إزاي- و رجع ..أكيد مترحل طبعا .. فيه ناس بتقول إن عبوده أخد جلسات كهرباء على مخه في مكان ما أثرت على قواه العقلية, و لو أني أشك في ذلك و أعتقد شخصيا إن التأثير على مخه كان بسبب تعاطي المخدرات لفترات طويلة و بكميات كبيرة لأنها بطول المدة تؤثر على الخلايا العصبية و على المخ .
كان عبوده ساكن في الصاغة و كنا نعرف إنه صحى و نزل لما نسمع صوته الجَهوري " محلات الجوهرة بتحيي المدينة المنورة " , أو يصيح هازئا "توفى إلى رحمة الله تعالى المعلم ميخائيل عبد الله أبو ...... كبيرة"
وكان الهدف من التحيات أو الإستهزاء هو الحصول على جنيهات قليلة تكفيه للإفطار و السجائر و بعد كده يوزع السجائر اللي إشتراها على العاملين في الصاغة.
يفضل طول النهار يلم في فلوس و لما ييجي الليل يروح يشتري بطيخة و حلاوة و عيش و جبنة و يروح قسم الشرطه الساعة الثانية أو الثالثة صباحا و يصيح بأعلى صوته " إنتبااااااااااااااااه" .. يعمل فزع و رعب في القسم من أول ضابط النوباتشية حتى المخبرين و العساكر , الكل يفتكر إن فيه تفتيش أو المأمور جه . الكل يجري يلاقي المعلم عبوده اللي يضحك بأعلى صوته و يقول " صحصحوا يا حكومة" و يسيب الأكل للناس اللي في الحجز, و يرجع يروح على بيته إستعدادا ليوم جديد من مغامرات "عبوده في الصاغة " .
كان بيلم الفلوس باللين أو بالإكراه و من يجرؤ على الرفض يكون جزاؤه قالب من الطوب في زجاج المحل ..و لأنه معاه شهادة معاملة أطفال.. الكل كان عارف إنه مش هاياخد معاه حق و لا باطل .
هرب من مستشفى الأمراض العقلية كتير, نط من بلكونة بيته في الدور الثاني أكتر من مره , مسك سلوك الكهرباء , هدد الناس بأنبوبة بوتاجاز مفتوحة..وأخيرا و بعد سنوات طويلة من الكفاح من أجل البقاء .. توفى الشهيد عبوده " اللي مش شهيد و لا حاجة" إثر جرعة مخدرات زائده ليُريح الجميع من حنجرته و إتاواته, و يريح العاملين في القسم من ال " إنتبااااااه" .

2008-03-03T16:30:00.027+02:00

19\3\2008

"يوم الإجازة" ده كان الموضوع الّلي كنا بنتكلم فيه أنا وأصدقائى ( تامر وجدي مدير الحسابات بإحدى شركات الأدوية بالإسكندرية و كامل بدوي مشرف لمبيعات المقرمشات ).

يا ترى الراجل بيكون عاوز يقضي أجازته إزاي و زوجته بتكون عاوزة تقضيها إزاي و النتيجة في الآخر بتكون إيه؟؟!.

تامر كان أكتر واحد مخنوق من الموضوع من أوله:

ـــ يـخرب بيت الزن أنا أصلاً في أي يوم بروح البيت بكون مِصدع من الشغل, عاوز أروح البيت لا أسمع كلمة و لا أتكلم كلمة, نفسي و أمنية حياتي أعيش حالة تأمل, أقعد كده ساكت في هدوء.. لكن على مين يابا,البنت الصغيرة عاوزاني أشيلها و ألعب معاها و أمها شرحه لا عاوزة تبَطل طلبات ولا كلام ,وأخوكوا بقى مقضيها : آه.. إمم.. يااه .. كويس كويس .. و بعدين..

المهم إني منفض للمدام, سايبها تجيب كل الّلي عندها, و ياريت عاجب..

تيجي في الآخر تقوللي: وإنت عملت إيه النهارده إحكيلي, كلمني ..

- ولا حاجة مفيش جديد ..

- إزاي يعني .. محصلش حاجة خالص .. يعني زي ما رُحت زي ما جيت .. إنت مش عاوز تتكلم معايا ليه أُمال أنا أكلم مين يعني ما أنا قاعده طول النهار لوحدي .

- طيب يا ستي و أنا طول النهار الناس بتوش في دماغي مش ناقص ألاقيه هنا كمان.

- كده.. يعني أنا كلامي معاك وش ووجع دماغ .
- بقولك إيه مش عاوزه حاجة للعشا من بره؟
و على كده يا رَيس كل يوم .. ما بالك بيوم الأجازة بقى .. بيبقى نفسى أنام شوية زيادة, بحلم بيهم طول الأسبوع, لكن ودِي تيجي.. إزاي .. الساعة 9 الصُبح يا معلم : "ما تصحى يا راجل بقى كل ده نوم إنت هاتقضي اليوم كله نوم,إحنا عاوزين نلحق اليوم من أوله و نخرج مش إنت و عدتنا إنك تخرجنا الأسبوع ده "

طبعاً غالباً الوعد ده بيكون و أنا في حالة التنفيض و الغيبوبة بتاعة :"آه.. مم.. ماشي"
المهم ..أقوم وأمري لله.. طبعاً الفُسحة بتاعة الهانم بتكون غالبا فُرجة على المحلات و شراء لمستلزمات و لغير مستلزمات البيت ,ومفيش مانع من الفُرجة على الحاجات الّلي مش لازمانا أصلاً من باب العِلم بالشئ و التمشية الّلي بيتخللها فواصل عزف سيمفوني بكائي للآنسة كريمتنا بسبب و من غير سبب " رغاية زي أمها من قبل ما تعرف تتكلم " ,مع شوبين عصير من أي محل من النصابين الّلي بيبيعوا كوب عصير الليمون بخمسة جنية مع إن الليمون مَرمي في الثلاجة محدش معبره, إنما لزوم التمشية و أحيانا لو ما تداركتش الموقف ممكن يتطور بخطورة و ينقلب لغَدوة بَره تأتي على الأخضر و اليابس في جيب حضرتي.. و نِرجع من بره هلكانين و تعبانين, وفرقع اليوم وكان مُتعب أكتر من أيام الشغل و علشان كده بكون رايح الشغل تاني يوم نفسي أبوس المكتب و أقوله تعالى في حضني يا حبيبي.

إلتقط كامل خيط الكلام و قال : والله يابني عندك حق بس إنت بتقول كل ده وإنت عندك بنت واحدة أُمال أنا أعمل إيه بجوز النسانيس الّلي عندي و أمهم.
أنا جيت في يوم قلتلها : بُصي أنا نفسي آخد يومين أجازة وأطلع إسكندرية.

ردت عليَّ: طيب وهاتودينا فين هناك..
– ركزي يا حبيبتي أنا بقول "أطلع الإسكندرية" هو إنتوا إيه.. عناكب لابده في جسمي , نِفسي أقعد يومين مع نفسي,أنام بالليل من غير زن و عياط, أصحى الصبح براحتي .. نفسي أتمشى على الكورنيش لوحدي أشم نفسي شوية.

قاطَعته و قد أعجبتني الفكرة: قِشطة يا كامل .. هي دي الرجالة يا عَم, دي شجاعة زمان .. على فكرة كلنا المفروض نعمل كده.. وبعدين ..رُحت فين في إسكندرية؟

_ و لا حاجة بعد المُناقشة ما خلصت سافرت تاني يوم ..
_ هاااه و بعدين و بعدين .
_ و لا حاجة يا أخي, سافرت تاني يوم أنا و مراتي و العيال مع إني طول الليل عمال أقول لنفسي " أنا راجل و مش هاعمل كده .. أنا راجل و مش هاعمل كده".
_ قوم..قوم بينا يابني نِرَوّح أنا خلاص جالي إحباط ..و على فكرة بقى عِقاباً ليك إنت الّلي هاتحاسب على المشاريب النهارده, يا "راجل".

=========================

15\3\2008

أنا زعلان جدا من كل الّلي دخلوا و قرأوا الرسالة السابقة عن عيد الأم ...

يعني مفيش حد قالّلي معلش ,ولا طَبطَب عليّا ,ولا وَاسانِي في مُصابي الأليم,ولا حتى بَعت شيك لأبو حمِيد صديقكوالأن تعاطفكوا لوحده مش كفاية, واللي يتبرع ولو بجنيه أجره إن شاء الله على الله...

عموما مش مهم, أنا عارف إن الحال من بعضه و كلنا في الهوا سوا.

الموضوع الّلي هكلمكوا فيه النهارده بيخطر على بالي كتير و بَسرح فيه دايماً. وهو ببساطة إن فيه ناس كتير في حياتنا بيضايقونا جدا .. ناس كده دمها تقيل و غاوية الرزالة على خَلق الله ...
عُمرك تخيلت إنك تِفرد إيدك و تتمَطّع و بكل قُوتك "طاخ" ترزع واحد مضايقك بالقلم .

طيب لو جاتلك الفرصة دي يا ترى أول قلم حتضربه لمين؟؟؟
عاوزك تسرح بخيالك .. مين أكتر واحدأو واحدة غَلّس عليك و ضايقك في حياتك و مقدرتش تتكلم أو تاخد أي رد فعل لحد الغيظ ما كان حيموتك منه.. لكن إحتياجك ليه أو خوفك منه خلاك ماتقدرش تعمل كده؟؟
مديرك في الشغل؟ سواق تاكسي قلتله إنت رايح فين و بَصّلك بقرف و مِشى من غير حتى ما يرد عليك ؟؟ بياع رِزِل ؟؟ موظف بيروقراطي معقد لك إجراءاتك و مسَوِد عيشتك؟؟ واحده ماشية في الشارع لابسة من غير هدوم؟؟ شاب فانكي مدلدل بنطلونه لغاية ما قرب يقع من على وسطه ؟؟
أظن الأمثلة أكتر من إني أحصرها هنا .

عيش في الخيال أكتر و تخيل إن معاك طاقية الإخفاء . يعني مفيش حد يقدر يشوفك. يا ترى هاتضرب كام واحد بالقلم ؟؟
حاول تجرب . حتلاقيه شئ مريح جدا إنك تاخد حقك من الناس دول و لو في خيالك .و في الآخر غالبا هتحصل على إبتسامة رضا لما تتخيل المنظر بعد ما القلم التمام يطرقع على وش البني ادم الّلي ضايقك و نَغص عليك عيشتك .
و في الآخر لما ترجع لدُنيا الواقع خليك أجدع منهم و سامحهم و أجرك على الله "المسامح كريم" و أكيد كده هتشعر بسعادة أكبر..

معلش مضطر أسيبكوا و أقوم دلوقت . فيه كام واحد كده مضايقيني جدا و عاوز أسرح معاهم شوية علشان أصفي حسابي معاهم قبل ما أنام.... "طااااااااااخ"
==============================

10\3\2008

وحشتوني جدا و كان نفسي أكتب لكوا قبل كده بس كنت مشغول مع شِلة الأُنس ..كان في شوية مشاكل ..

نرجع لحكاية الفراخ .. فراخ إيه يا راجل ؟!؟.ركز ركز

نرجع للشِلّة.. موضوع حديث الثلاثاء بتاع يوم الخميس اللي فات و اللي إتكلمنا فيه يوم الجمعة على الكافيتريا كان عن: "عيد الأم".

و نفسي أعرف مين الذكي إبن الست المحترمة الّلي إخترع الإختراع الجامد جداً ده (و اللي ما عرفتش قيمته الحقيقية غير بعد ما إتجوزت)... علشان أبعتله بوكس أو روسية شكر في عين سيادته .

جميع الأمهات على عيني و راسي , بس الفكرة مش كده .. الفكرة في الأزمة الإقتصادية الطاحنة الّلي بيعيشها الزوج بسبب عيد الأم .

كل واحد في الشِلة كان بيحكي على المبلغ الّلي دفعه في الهدايا و الدِمعة هاتفر من عينه .. و لأن الكلام جالي على الجرح ولو إني ما كنتش عاوز أتكلم في الموضوع حتى أتجنب الإتهام بأني بخيل و جِلده .

إنما ما قدرتش لما صديقي المهندس/ حسن غانم سألني عن رأيي في موضوع عيد الأم ده و حكاية الهدايا.. و بقيت زي اللي ماصدق يفضفض قبل ما يجيله الضغط ..

قولتله شوف يا عم : إنت تبقى صاحي الصُبح لا بيك ولاعليك بتقول يا فتاح يا عليم.. و تلاقي قرار جمهوري خَبط في راسك من رئيسة جمهورية البيت صاحبةالعصمة..الست حرمكم.. بالهديةالّلي لازم تشتريها علشان حماتك, و طبعاً يا بَطل ما تقدرش تقول بم.. دي حماتك ..يعني رئيسة مجلس الإدارة ..تقدر تتكلم ؟!!
و طبعا هدية ست الحبايب والدتك اللي تعبت و رَبت و كبرت و جوزت ...إلخ
و الموضه الجديدة بقى.. لازم تجيب هدية جامده موت للولاد علشان يدوها للست زوجة حضرتك وإلا... إنت عارف الباقي.. تسمع طول النهار كلام من عينة : " يا عيني عليا يالّلي محدش بيفتكرني .هو أنا مش أم ولا إيه؟؟ كل الأمهات اللي في الدنيا جالهم هدايا النهارده إلا أنا ."

طيب الأب المسكين ده ملوش في الطيب نصيب؟؟ محدش يعبره في رباط جزمة حتى ؟!؟
المهم إنك هتدفع هتدفع يا باشا . و يمكن هتستعين بصديق كمان.
أنا شخصيا حاسس إن الراجل صاحب المحل اللي جبنا منه الهدايا لسه بيضحك لغاية دلوقت . أكيد كان باين عليا إني في قمة السعادة و أنا بأدفع ثمن الهدايا لجمعية الأمهات المتحدة اللي عندي ...
و ساعة ما تقدم الهدية و تُبدي فروض الولاء و الطاعة تسمع الكلام الجميل اللي يشرح القلب زي ما يكون بجد :"و الله ما كان لُه لازمة, كل ده, إنتواهديتي و كفاية كنتوا تقولوا كل سنة وإنتِ طيبة يا ماما" ...

طيب ما أنا قلت كده من الأول ماحدش سمِع كلامي .
الواد أكرم وَليّ العهد هو كمان ساعة ما شافنا بنشتري الهدايا قاللي: وأنا يا بابا موش هاتجيبلي هدية؟

أيوة ماهي ناقصاه هو كمان.
قولتله: يا حبيبي مش إنت بتحب بابا ؟

قال: طبعا بحبك يا بابا .

– طيب يا حبيبي أسكت بقى علشان بابا كده هيعيط خلاص..

وأدرك شهريار النُواح فسكت عن الكلام المُباح

===================================

6\3\2008
الحمد لله جت سليمة ورجعت ليكوا تاني من غير إصابات مؤثرة.. و مش عاوز تريقة من حد و حياة والديكوا.

نكمل كلامنا بقى بسرعة قبل ما 00000000 هه أنتوا فاهمين طبعا مش عاوز أغلط و أقول تاني المره اللي فاتت جت سليمه بس موش عاوزين نعتمد على حظنا كتير لأنه باين من اوله.

أنا بقى و لله الحمد عندى شِلة أصدقاء من اللى وصّى عليهم لقمان ... و ما تبصليش كده هو كان يعني لقمان وصّى على شاي!!!

تشكيلة من اللي هىّ... دكاتره على مهندسين على محاسبين على مديرين على ضباط شرطة (ربنا يجعل كلامنا خفيف على الجميع) و عندنا كمان مشرفين دعاية و مبيعات ,المهم إننا كلنا أصدقاء من أيام الطفولة المعفرته من قبل ما كل واحد فينا يكون بني ادم و يشتغل الشغلانة اللى هو فيها دلوقت.
و يرتكب أكبر غلطه عملها في العشر سنين اللى فاتوا ..و يتجوز.. ( المفروض إني مش محتاج أقول محدش ناصح يقوللى و إيه هي أكبر غلطة في العشر سنين اللى قبلهم؟؟)

كلنا مختلفين في كل شئ مفيش واحد شبه التاني في حاجة.. و ده كان شئ محيرني و بفكر فيه دايما .سؤال بيلح علىّ. ليه إحنا أصحاب للدرجة دى مع كوننا مختلفين بالشكل ده؟

و بعد التفكير العميق و أنا قولتلكوا قبل كده إن أنا ناصح و فهّيم يعني مش أي كلام.. لقيت إن الإجابة في السؤال .. إحنا أصحاب للدرجة دي لأننا مختلفين, يعني كلنا بنكمل بعض , كل واحد فينا بيلاقي في الباقيين التغيير اللى هو محتاجه و بيلاقي عندهم الخبرات اللي عمره ما مر بيها و الأفكار اللي عمرها ما خطرت على باله بيكمل اللي ناقصه و يجدد نفسه.
أعتقد إنه شيء منطقى لأننا لو نُسخ من بعض حتكون الحياه مملة.

أنا أعرف أزواج و زوجات بيتخانقوا كل ما تكون وجبة الغداء فراخ (دجاج) ... حد فهم ليه؟
"لأنهم متفاهمين و طباعهم متشابهة" ..فهمتوا بقى ما تستعبطوش..
لأنهم هما الإثنين بيحبوا الصدور أو هما الإثنين بيحبوا الأوراك. و تقوم الخناقة و طبعا معروف مين المسكين اللي بيتنازل و يزلط الاكل وأهي غدوه و السلام و ربنا على المفتري.
أصل الزوجات دول .....ييييييييييييييييييه يا جماعه مش حد يفكرني؟؟ مش قلنا ما نجيبش السيره دي تاني .
طيب ..طيب ..انا جاي بكرامتي أهه.
ححاول ارجع لكوا إذا كان في العمر بقية إن شاء الله
=========================
يلزم التنويه أولا أن الأسماء المستخدمة في هذه المدونة هي أسماء مستعارة لا علاقة لها بالواقع فيما عدا إسمى أنا و أسماء الشخصيات العامة اذا ورد الكلام عنها في سياق الحديث

3\3\2008
رنة واحدة على موبايلي كانت كافية لأفهم .
دخلت على زوجتي المرابطة أمام التليفزيون مستخدمة كافة الأغطية و البطاطين في بيتنا في معركتها ضد الشتاء القارس هذه الأيام و قلت بلهجة اللي مش عامل عملة و لا حاجة: أنا نازل يا روحي عاوزة حاجة من بره.
انتفضت من تحت الأغطية و ردت : ايه ده انت رايح فين في الجو ده!!
_ رايح اعمل فيش و تشييش يا حبيبتى .
نظرت لي و براءة الأطفال في عينيها حتى أحسست بمدى الشر الذى أنا فيه و كدت أنهار و أعترف و قالت :هو مش كان اسمه فيش و تشبيه؟
_ أصلهم غيروه مع قانون الضرايب الجديد ,دي بقت حاجة تزهق ..مش عارف هيعملوا فينا ايه تاني بعد كده.
بدأت ترتاب في.. خصوصاً عندما وجدتنى أتجنب النظر لعينيها و قالت : فيش و تشبيه ..فيش و تشييش ..مش مهم ,المهم انت عاوزه ليه؟
و لأني راجل ناصح و مخربش فقد كنت منتظر هذا السؤال و محضر الاجابة عليه لكي لا يظهر علي أي تردد يشكك حَرمناالمصون في روايتى: عاوزينه في الشغل و على فكرة انتي رغاية جدا النهارده و لو قعدت جنبك مش حروح و لا حاجي و لا هاعمل حاجة علشان كده انا ضد ان المرأة تشتغل قاضية أو ماذونة أو رئيسة جمهورية .
نفضت الأغطية من عليها و حملت لواء الدفاع عن حقوق المرأة و انبرت تطلق أولى قنابل معركة الدفاع الحريمي : نعم نعم يا حبييبي.. ليه ان شاء الله؟؟
قطعت كلامها سريعا أيوه افتكري بقى نبقى نناقش الموضوع ده أول ما ارجع من بره ..سلام ...(خليك ناصح ما انت لازم ترميلها كلمتين تقعد تفكر فيهم و تحوشلك كلام عليهم لحد ما تيجي بدل ما تقعد تفكر انت كنت فين و بتعمل ايه و مع مين الخ..)
المهم.. أول ما قفلت الباب ورايا رفعت هي سماعة التليفون و إتصلت بزوجة د.محمد أبو سالم الطبيب البيطري صديقي لأن زوجته صديقتها
وسألتها: ايه ياختي حكاية الفيش و التشييش الجديده دي.
ردت المجنى عليها التانية: هو انتي كمان جوزك طلبوا منه الموضوع ده دي لسه زوجة كمال الشبينى و زوجة كامل بدوي قافلين السكة معايا حالا كانوا بيسألونى على نفس الموضوع على كده يبقى بجد طالبينه منهم في الشغل بس هي فيه مصالح حكومية فاتحة لحد دلوقت .
ردت حرمنا المصون بالفكاكة المعهوده عنها: يا بنتى هو قسم الشرطة بيقفل دا مفتوح أربعةوعشرين ساعة.

و هكذا أيها السادة.. إكتملت الشِله على الكافيتيريا التي نجتمع عليها كلما سنحت لنا الظروف و أستطعنا التزويغ من الرقابة.. و مش عاوز واحد غبى يسألني مين الرقابة علشان مش حاقوله لأن الرقابة بتاعتى بتيجي على السيرة و مش ناقصين وجع دماغ
خلاصة الموضوع إن كلمة السر خلال الفترة اللى جاية هي : رايح أعمل الفيش و التشييش ,أصل كان لسه فيه ورقة ناقصة,أصل الورقة طلعت مش هيه,المهم لحد الزوجات الفاتنات ما يفقسونا و ندور على حجة تانية
إوعوا تكونوا لحد دلوقت مافهمتوش الفيش و التشييش عموماً... لأني عارف ان الذكاء متوفر:الفيش هو الطاولة نسبة الى الفيشات البيضاء و السوداء التي تُلعب بها الطاولة و التشييش هو تدخين الشيشة ..و سلم لي على مراتك أوي .......

أوبااااااااااااااااااااا مش قولتلكوا بييجوا على السيرة ..أهى وصلت .
وأدركت شهريار مراته.. فسكت عن الكلام المباح.. والغير مباح كمان
أشوفكوا لما أوزعها إدعوالي الله يخليكوا.
على فكرة علشان محدش يفهمنى غلط قبل ما أمشى إحنا رجالة حِمشين جداً.... أي ..أي ..أي طيب خلاص خلاص

http://dalil.4uloads.com/

http://arabblogs.blogspot.com/